رسالة غير موجهة
مجرد تصور لصنف
موجود بين البشر
ناظرتني بالنجل=سهمها جاني عجل
وأتعبتني بالخجل=
ودها ما ودها=
فاتنة في شكلها =بارعة في كحلها
صعبها هو سهلها=
مخلفة في وعدها=
حائرة في أمرها=محد عارف سرها
لين روح عمرها=
من سنة لا بعدها=
شكلها أنثى وبس=بس غيره ما تحس
بنكها بنك الفلس=
ما يدسم يدها=
لا قربنا بعدت=وإن بعدنا قربت
كنها ما جربت=
الهموم وضدها=
عايشة عيشة نكد=كلها حزن وعقد
حتى لو فيها جلد=
الهموم تهدها=
شكلها والله ظريف=ودمها ما هو خفيف
يا عنا منها الوليف=
هي ثلوج وبردها=
هي غريبة بالبنات=بالكلام وبالسكات
ما تعرف الا الشمات=
كلمتين وردها=
من عرف بطباعها=لو بلاش باعها
وش يبي بأوجاعها=
لو يهبل خدها=
قلبها مثل الحجر=ما تشابه للبشر
كلها مكر وغدر=
بالحيل ما قدها=
قلبها خالي حنان=لو قالت باللسان
فعلها فيه البيان=
هو يبين جدها=
التميز
الإهداءات
شكلها أنثى وبس !!!
رد: شكلها أنثى وبس !!!
