رفيق الدرب...!!!!

المعذرة ليست بقريب

ولكن وردتني رسالة من ملك القلوب

يفيدني بما دونته يا بن العم

بهذه الأبيات

بدع الذويبي


هذه أبيات متواضعة إهداء للقوافل العربية و موْسسها

للقافلة بقول عذب القوافي = قافٍ ورى قافٍ مثل ضربة السيف
ما دام أسسها الصقيل الرهافي = ابن هليل شيخ والعرّف اله كيف
بالمنتدى تعجبك والجو صافي = حروفها الألماس ولوانها الطيف
هذا الذويبي قالها بحترافي = لن زرتها فالبرد ولن جيت فالصيف

وهذا ردي على عجل من أمري

أمل يكون وفى وكفى

عداد من هلل وصلى وطافي=يا مرحبا يا مكرم الجار والضيف
يا بن الذويبي قافكم حل لافي=قاف على كيفك مصرفه تصريف
خابرك يابن العم رجل خرافي=أعرفك من ربع تعز المواقيف
أنته رفيق الدرب منته خلافي=حر ومرقابك بروس المشاريف
ما دام أنا وإياك في بيت دافي=هات السوالف وأخذ مني سواليف
وأنا أحمد الله كلهنه عوافي=يا بادع القيفان زيد المحاريف
خلك على ما قيل رجل سنافي=والقاف لا من زان بيزيد تشريف
قرب لبنك والنجر والمصافي=وأسكب لنا فنجال كيف المصاليف
إذبح سمان ولا تجيب العجافي=لا تحسب حساب الفقر والمصاريف
وليا رست سفينتك بالمرافي=حمل ولا تقنع ببعض التناتيف
وأبشر بعزك بالجهر والخوافي=تلقا طلبك ولا تضيع المعاريف
إن جيتنا بالبرد تلقا لحافي=وإن جيتنا بالعرف تلقا عواريف
العد ما يدفنه عج السوافي=والبحر ما ينقصه نسف المغاريف

يا سلام عليك


مثل ما توقعت بيكون ردك سريع


رغم أني أعرفك مشغول


صح لسانك وعلا شانك


جزلة بمعنى الكلمة


ويستاهل الذويبي


هذا الرد الجزل


والله يعطيكم العافية

بن هليل

صح لســــــــــــآآآنك لاهنت شاعر نا المبدع,,



انت شاعر..موهوب والشاعرمايصعب عليه سبك اي قصيدة,,


لان الاحســاس هو من يملك كلمة الفصل في هذا السياق,,


تقبل مروري المتواضع,,

كل الود,,

الله الله


ما أجمله من رد



قصيدة وافيه بكل المقاييس



لك التحية

إن جيتنـا بالبـرد تلقـا لحافـي
وإن جيتنا بالعرف تلقا عواريـف
العد مـا يدفنـه عـج السوافـي
والبحر ما ينقصه نسف المغاريف


صح لسانك يابن هليل

شكرااااااااا



الله يعطيك العافيه


لك مني جزيل الشكر

كفيت وفيت يابن هليل
وبيض الله وجهك هذي
وعلى عجل كيف لو
جلست وتمهلت
ماشآء الله ولاقوة
إلاّ بالله

صحّ طرحك
وصحّت أبداعاتك الدائمة ..

قصيدة عطرة مميز ة

كفيت ووفيت
مثلك رفيق درب و رجل سنافي



الشعر فن وكل شاعر لـه اسلـوب

واللي بدون احساس ماياصل الناس



استاذنا بن هليل


صح لسانك لاهنت



ننتظرك

مشكور بن هليل على الرد بالأبيات العطره
بيض الله وجهك
ولك جزيل الشكر

صحت السنتكم


ما شاء الله


بدع جيد ورد بمنتهى العذوبة والجزالة


لكم التحية