أسعدكم الله بكل وقت وحين
اليكم ما جادت به اللحظة
الأبيات
قالت:شوي أجيك لكن ماجات=مرت سنين ولا عرفت بخبرها
مدري من الحيين وإلا بالأموات=طال الغياب وطولت في سفرها
والعالم اللي رافعٍ(ن)للسموات=يعلم تواجدها ويعلم بأثرها
إن جئيت أدورها من الناس شمات=وإن جئيت بنسى نبض قلبي ذكرها
ماهو بسهل أنسى من العمر لحظات=مع الذي روحي بكله أسرها
كل الحاسن فيه مافيه شينات=بالمختصر روحي بحسنه سحرها
مظهر ومخبر نادرة بالسويات=من كل حسن وحسن فيها غمرها
صحيح:بالدنيا جمال وجميلات=لكن سمايا ما تبدل قمرها
لو يجتمع في غيرها زين زينات=محال يبلغ نظرةٍ(ن)من نظرها
حتى لو إنه فات ما كل ما فات=يجي بداله والجواهر دررها
ما تنسي مهما تطول المسافات=أرواحنا مرهونةٍ(ن)في قدرها
وشلون أبدل مالك الحس بسكات=وإلا أحاسيسٍ(ن)فؤادي شعرها
لا مرني طيفه تولولت ما أبات=يجمح خيالي صوبها لا افتكرها
كني أشاهد صورته بالمريات=من مدعس أقدامه لمفرق شعرها
أرافق أطيافه من الليل ساعات=أذكر سوالفنا وماضي سيرها
أنظم لها من صافي الفكر الأبيات=تفرج همومي لن تزايد كدرها
هيهات ياقلب العنا ثم هيهات=يبست مشاعرنا وغائب مطرها
طال الغياب أحلامنا راحت شتات=والزين ما وفا وعودٍ(ن)نذرها
قالت:شوي أجيك لكن ماجات=مرت سنين ولا عرفت بخبرها
التميز
الإهداءات
طال الغياب وطولت في سفرها !!!
رد: طال الغياب وطولت في سفرها !!!
