الأبيات بدون مقدمات
نامي على صدر أحلامي=فحضنها الدافي محتاجك
نامي على صوت أنغامي=قصائد(ن)ماتمنى لحظة إزعاجك
دعيني أتعب باقي أقلامي=في وصف ذاتك ومكياجك
دعيني أسج بأوهامي=أفسر أبراجي وأبراجك
بكتب على صدر أيامي=قصة غرامي مع أمواجك
كيف الهوى شتت حطامي=ياليت ما لاج بي لاجك
ما كان والله بتنامي=والا علي ترفع حجاجك
لكن ما تلام ما تلامي=ما ودي أزود إحراجك
لقيتني خام من خامي=أمشي معك حسبة مزاجك
وردتني للبحر ظامي=وحطيتني داخل أدراجك
لو كان تأمر بإعدامي=والا علي تحكم سياجك
ما قلت لك خفف أحكامي=ما دامني مشعل سراجك
عادل ولو كنت ظلامي=وبتظر لحظة إفراجك
حكمتني حكم صدامي=والصد والهجر كرباجك
القاك بعدي وقدامي=ما كنني غير مزلاجك
يا محرقة ناحل عظامي=ما هاجني ليش ماهاجك
التميز
الإهداءات
عادل ولو كنت ظلامي !!!
رد: عادل ولو كنت ظلامي !!!
