واحمس روحي مثل مايحمس البن

واحمس روحي مثل مايحمس البن


واحمس روحي مثل مايحمس البن = تصلاه نار الحب وسط المحاميس


وقلبي تعذب بعد شفت المفاتن = عين المها والجسم حلو التضاريس


بعد اذهلتني بنت باالحيل تفتن = نشدتها قالت لي الاسم باالقيس


قلت اسمعي مني اذا كان ممكن = قالت تفضل يارهيف الاحاسيس


قلت الها انتي وصوفك تجنن = فيك الجمال الي يفوق المقاييس


ياراقيه حبك بقلبي تمكن = مالك وصوفن في جميع القواميس


قالت انا احبك وابيك اتطمن = يالي بحبه قد تفوق على قيس


ياويل حالي فيه كل المحاسن = والله يحفظه من عيون الاباليس


واحمس روحي مثل مايحمس البن = تصلاه نار الحب وسط المحاميس

صح لسانك يا عبدالرحمن

مبدع في سبك وحبك الأبيات

حمستني وكتب ما يلي وسوف أطرحه مستقبلا كقصيدة مستقلة

لكن بعد أن تأخذ السابقة حقها من المشاهدة والردود

الشعر نظمه فن وملاعبه فن=مثل الطرايد والحرار القرانيس
يا بادع الطاروق ومزين اللحن=ودك بكسب الطايلة والنواميس
غن القصيد ليا طرا يا فتى غن=الشعر بعضه مثل حلم الكوابيس
ترى القصائد بعضها سقوة الجن=والجن لن سخر سواة الجواسيس
وأكثر علوم الجن بالشك والظن=ما يعلمون الغيب لو هم أباليس
البن يقلى قلي لكن لكن=بعد القلي يندق جوف المهاريس
لا يخدعك نوٍ(ن)ولو راعده دن=سحاب ما سيل يغر العساعيس
لا تطلب المدة من مقدم المن=ولا تنخدع بوعود ناسٍ(ن)مفاليس
الماي ما تلقاه في يابس الشن=والنور ما يصحب ظلام الغطاليس
كم واحدٍ(ن)طاوله سقمه ولا ون=وكم واحدٍ(ن)يجزعه لمس التلاميس
وكم واحدٍ(ن)بالعقل لا من تمعن=تنحاش عن دربه جميع الدبابيس
قلته من الهاجوس من عقب دندن=قطفت قطفة من قوافي مراويس
ودي أداعب شاعرٍ(ن)قال وأحسن=لكنها قلة ولا ملت الكيس
جاني ثمن وأرد من شعري أثمن=من عقل صافي ما تبع للوساويس
الشعر نظمه فن وملاعبه فن=مثل الطرايد والحرار القرانيس

صح بدنك يابن هليل ويعطيك العافيه ولكن الابيات كتبتها الان واحببت ان انزلها بسرعه وانا اعمل على مبدا ماقل ودل ولا افضل كثرة الابيات بدون داعي الا بعض الاحيان وهذه وجهة نظري وشكرا على رايك

وصح الساااااانك على المجاراة ومجاراتك شرف لي ياغالي

احتراااااااااامي

الله الله


صحت الالسن


مبدعين لا هنتم

صح لسانك عبد الرحمن ابيات اكثر من رائعة تسلم ايدك وذوقك

صح لسانك واحساسك الله يوفقك

صح لسانك ابيات رائعة كعادتك


وقصيدة بن هليا اروع


الله يعطيكم العافية

صحت الالسن كلكم مبدعين تقبلوا اعجابي

صح بدنك يانجم العرب ويعطيك العاااااااااافيه

تحيااااااااااااتي

صح احسااااسك ياملكة الذوووووق ويعطيك العااافيه

تحيااااااااااتي