السلام عليكم ورحمة الله وبركاته
للتواصل بدون فاصل
اليكم هذه الأبيات
ياليل سامرني ليا مطلع النور=بشكي لك همومي وعطني لها حل
النوم جافا العين والقلب محرور=والفكر من طول العنا ضاق ثم مل
إلي سنين طوال وأيام وشهور=أتبع خيالي وأرمي حلوم وأحمل
أحس دمي داخلي صاير يفور=وأخاف لشكي للعرب وأكسب الذل
وأنا أدري إن العبد منهي ومامور=وأنته بعد ياليل تمشي على المثل
أنته على مسراك ياليل مجبور=وأنا على بلواي يا ليل معتل
من علة بالجوف والسر مقبور=داخل فؤاد(ن)ما يبينه للكل
لو بينه للناس ما قيل معذور=لأجل كذا فالصمت ياليلي أجمل
صبري على حالي ولو كان مكسور=أخير وأبرك من شماته تزعل
أحمل هموم القلب وأقول مسرور=أهون على روحي من الكيد والعل
لو الحمول ثقال وتعقب فجور=أخف من هرجة لجاهل ليا زل
ما همني لو كانت حمولنا جور=ثقل الجبال الراسية ..يمكن أثقل
ما صابنا من جور لأرواحنا طهور=والصمت ياليل العنا خير وأفضل
التميز
الإهداءات
ياليل سامرني ليا مطلع النور !!!
رد: ياليل سامرني ليا مطلع النور !!!
