الناس تحسب بالليالي والأعوام=وأنا حسابي للزمن بالثواني
عمرٍ(ن)مضى من ماضي الوقت قدام=ما له معالم مثل ما قيل فاني
واللي بقا من عمر في باق الأيام=بين الرجا واليأس تالي زماني
يا قصر ساعاته ويا كبر الأحلام=القلب منها والمشاعر تعاني
أتعبت فكري والصحائف والأقلام=وأتعبت قاموس الرجا والأماني
أسرد قصص وأحول السرد لفلام=تعرض على شاشة خيالٍ(ن)غزاني
استعبد الواقع وحوله لوهام=وأخرس بظلمه لا يبين لساني
وأنا الذي في ماضي الوقت ضرغام=السيف سيفي والنبل والسناني
اليوم عايش عيشةٍ تشبه أيتام=الوقت قاسي والظروف تحداني
إن جيت أعدلها غدت فوقي أكوام=وإن جيت أجامل زاد فيها هواني
الشين فيها محكمٍ(ن)طوقه إحكام=والزين فيها مثل رمش العياني
لا عشت يا وقتٍ(ن)على اللوم لوام=أبكي زماني والزمن ما بكاني
التميز
الإهداءات
يو تيوب ونص مكتوب ....حسابي للزمن
