بسم الله الرحمن الرحيم
السلام عليكم و رحمة الله و بركاته
صباح / مساء
الخير
أبيات متواضعة آمل أن ترتقي لذائقتكم الشعرية ..
الله على اللي ليا منك تناوشتـــــــه=و دقيت سلفه و عشقته وتليتــــــــــــــــــــه
يفز فزة زعيمٍ حاذفٍ بشتــــــــــه=مع طلعة النور شاف القوم غازيتـــــــــــه
جيبٍ جديدٍ ما تسمع غير نشنشتـه=ليا نويت الك طرقه ثم سجيتــــــــــــــــــه
تشغيلته كل صدرٍ ضايق أنعشتــه=ون جيت جنبه و هو شغال ما اوحيتـــــــه
و ليا عطا ارضٍ خليه كن خترشتـه=ختراشة اللي رماة الصيد راميتـــــــــــــــه
ظبيٍ سمع طلقة البلجيك و ادوشته=و جمح و ذب الخلا يطوي سباريتـــــــــــــه
جيبٍ تمنيت انوشه مير ما نشتــــه=من نوع لكزس يفز القلب لا اطريتـــــــــه
وكالته كنها فا القلب ناقشتــــــــــه=موديل الالفين و ثنعشر تمنيتــــــــــــــــــه
لكن حصيلٍ معي فالعمر حوشتــــه=ما جاب لي ربع سعره يوم عديتــــــــــــــه
أفرح القلب و الأحزان خامشتـــــــه=ما غير لا شفت زوله قلت يا ليتــــــــــــــــه
ليته حلالي و عند الباب قرشتـــــــــه=و ليا سرت بي هموم الليل سريتــــــــــــــه
عن زحمة السوق و زعاجه و وشوشته=سوقٍ تطارد مع الشارع سرابيتـــــــــــــه
أسج به مع هل السجات و الكشتـــه=فالخايع اللي مزون الغيث مرويتـــــــــــــه
مجرى مسيله سيول الوسم بارشتـه=و خده زماليق نبت العشب كاسيتـــــــــــــه
فرشٍ طبيعي ليا منك تفرشتـــــــه=تعاف زلٍ يدين الترك ساديتــــــــــــــــــــه
ما طبه انزول سايقته و حايشتــــــه=قبل تطبه انزول البدو طبيتـــــــــــــــــــــه
و الله ما يبرد لهيب الجوف و جهشته=الا ليا صار وقتي فيه قضيتــــــــــــــــــــه
لا ضيقت بالي الأيام و ابلشتـــــــــــه=عطيت جوه و صابحته و ماسيتــــــــــــــــه
أضويه و الا مع المغباش غابشتــــه=على زعيم الجيوب اللي تنقيتـــــــــــــــــه
أدله واسلي ضميري واطرد اوحشته=اللي لها فوق عامين امتوليتـــــــــــــــــه
و ليا انشرح خاطري و الهم طنشتــــه=بابٍ وراه الهروج اتروج صكيتــــــــــــه
و سلامتكم ,,
التميز
الإهداءات
جيب لكزس 2012
