ياهل الطائف عساكم بهمال السحاب=يسقي الديرة ويغسل غباري جوها
جئتكم من مكة الطهر منزال الكتاب=يوم شفت المزنة اللي شعاني نوها
من غلا الطائف نحث المسيرة للركاب=للربوع اللي تباشر بمقدم لفوها
بتمشى.واتذكر ليالي بالشباب=بالوهاد اللي عسى ربنا ما يسـوها
مانسيتك ياعروس المصايف بالغياب=لو سنين العمر تقسى عليه لوها
باقية بالقلب يا دار مدهال الذياب=عزتك ماهي جديدة بقلبي تـوها
ليت الايام القديمة تعود يا صحاب=والشباب يعود والناس تنسى غلوها
ودي ارجع طفل من بعد نص الراس شاب=واتمشى في جبال الهدا بعلوها
قمةٍ(ن)ما بين متن السحابة والضباب=جوها هادي وصافي بحسب خلوها
خالية من كل ماهو يعكر للشراب=المزاج يروق والنفس يبعد سوها
ديرة الشهد المصفى من زهور الشعاب=والقلوب الصافية ما يكدر صفوها
ياهل الطائف عساكم بهمال السحاب=يسقي الديرة ويغسل غباري جوها
التميز
الإهداءات
عروس المصايف !!!
رد: عروس المصايف !!!
