أحلى من الشهد المصفى من الشمع !!!

طابت أوقاتكم واليكم ما جادت به قريحة المساء

يا أعذب من البارد على كبد عطشان=وأحلى من الشهد المصفى من الشمع
أنا عليك وعزة الله ولهان=مشتاق لك نبضي وعيني مع السمع
يهواك كلي يا بعد كل من كان=قلبي بحبك ناقعه بالغلا نقع
تبا الصيح أنته من البيض فتان=فتنتي بالزين والدل والطبع
أسهر مع الأطياف مرهق وتعبان=العين ما تعرف لغفوة ولا هجع
أبات ليلي مع طواريك سهران=كن الصدر في داخلي داهجه جمع
أبيك عندي نسهر الليل سيان=نشرب من أقداح الهوى والهوى سنع
يا من بحبه أقضي الليل هيمان=هواك ما خلا بي عروقٍ(ن)ولا ضلع
لا من ذكرت لمبسمك صبت بجنان=ودي أطير بساعتي بالسما فرع
أسابق الأحلام وأجئك عجلان=ما يصدني عنك حواجز ولا منع
ياليت لي يا منية الروح جنحان=وأطير هالساعة من الأرض مقلع
وأجيك قبل تنام يانور الأعيان=والصبح حول الفجر من عندك أرجع
حلمي كبير أشبه بكبرك بالأشجان=اللي تقطع خافقي بالهوى قطع
لكن أنا إنسان وش حيلة إنسان=ما حيلته إلا حلومٍ(ن)تنوع
أحيان ودي كنت عفريت من جان=من شأن أحقق كل غاية ومطمع
وأحيان ودي كنت فرحة لزعلان=أفرج لهمه ليا صابه الفزع
وأخر مدى حلمي على غير نقصان=إني معك في كل ديرة و مربع
ما نفترق طول العمر دوم خلان=لين الأمانة من حشا الجسم تنزع
يا أعذب من البارد على كبد عطشان=وأحلى من الشهد المصفى من الشمع

صح لسانك ملياااااار


تقبل اعجابي والتحية

صر لسانك ولا هنت احسنت بيض الله وجهك

صح لسانك ابداع من شاعر مبدع



تقبل التحية

رائع يعطيك العافية وصح لسااااااااااااانك

صح بوحك العذب شاعرنا الراقي

صح لسانك ابدعت لله درك ايها الراقي

صح لسانك قصيدة جميلة كعادتك

صح لسانك والقلم استاذنا رووووووعه

صح لسانك للرضا


تقبل التحية