ليت ساعة جمعتنا وقفت فيها العقارب !!!

يا بديع الحسن يا عذب السجايا والمشارب=ليلة البارح جميلة مثلها بالوقت نادر
ليت ساعة جمعتنا وقفت فيها العقارب=لين نروي للعيون وللقلوب وللمشاعر
مير هذا درس والأيام تكسبنا تجارب=بالسنين المقبلة لو التقينا كون فـاكر
لا تضيع فرصة الأعمار في وقت التقارب=العمر ما هو بدايم وأمس ما ياتي بباكر
مير خلك مفتكر ما صار لي وقفة محارب=لأجل عينك يا بعد كل البشر في عين جابر
ماش مثلك في عيوني بالمشارق والمغارب=لو طلبت الروح مني قلت جاتك وأنت تأمر
مطلبك ماهو رخيص ومطلبي لو كان كارب=فدوتك با بعد عمري لو منعته قلت شاكر
أنت عندي كنز عشق موسقه فوق الغوارب=لين تفنى روحي الولهى بحبك وأنت خابر
طول عمري صامدٍ(ن)للحب كني ضلع مأرب=ما تغيرني ظروف الوقت وأقلام المحابر
عيش فيني يا غرامي وأنت في سد الشوارب=والله إنك ما تضام ولا تلام بستر ساتر
يا بديع الحسن يا عذب السجايا والمشارب=ليلة البارح جميلة مثلها بالوقت نادر

صح لسانك احسنت فيما سطرت متألق

لله درك ابداع لا يستغرب منك صح لسااااانك

يا لروعة اشعارك استاذنا وشاعرنا العذب

صح لسانك قصيدة متعوب عليها يعطيك العافية

صح لسانك وسلم بنانك ابدعت لله درك

ابداااااااااع من شاعر متمكن من نظم القوافي صح لسانك

صح لسانك استاذنا وشيخنا الفاضل


تقبل التحية

صح لسانك مليااااااااااااااااار ولا هنت

رعاك الله شاعرنا صح لسااااااانك