قصيدة:سعد لافي
بعد الزيادة طارت الأسعار
البارحه مـرت علـي افكـار=من واقع الوقت الذي عشنـاه
راحت سنين الجوع والاخطار=مير البلاء فـي وقتنـا شفنـاه
رحنا طعام وحـوش لتجـار=رحنا فريسه يـا الله المشكـاه
بين الطمع والغش صار وصار=حق المواطن ضاع من يحمـاه
والدعم زاد النـار يـا ستـار=كـن الرقابـه زودت بـلـواه
ثلثين شعب المملكـه محتـار=ماعاد يقـدر يشتـري لغـذاه
اليومه اليـورو مولـع نـار=فالصرف والتصريف ما نقواه
وريالنـا مربـوط بالـدولار=ياشرنا يـا ويـل لنـا ويـلاه
بعد الزياده طـارت الاسعـار=خف الريال وغليت المقضـاه
صار الرخاء فا بلادنا تذكـار=الجرح مبطي والزمان ادمـاه
شوفو لنا صرفه قبـل تنهـار=قواعد السيسـان مـن مبنـاه
واقع نعيشه والبيـوت اسـرار=بيته كتبتـه واتضـح معنـاه
تكفا وتكفا يـا مليـك الـدار=الشعب صابر والغلا يأ حـداه
وهذه قصيدتي لمجاراتها
أبشر يا بن لافي
سعد يصيح وينظـم الأشعـار=قامت تنافض بالزعـل يمنـاه
ضرب ثراها لين طـار غبـار=غناالقصيد وحضّره بقصاه
هون على روحك ترى الأعمار=يا صاحبي مهي خشب ولحاه
هذا زمـان العولمـة قـد دار=صرنا مثل حب الرحا ترحـاه
خطط لها يا صاحبـي كفـار=قمنـا نصفـق والعنـا نلقـاه
مثل الخشب لا قصه المنشـار=يقصنا لا سـار فـي ممشـاه
خلف الكوالس تنبني أشـوار=ويعدلـون السعـر بالممحـاه
ومجهزين العـذر والمعـذار=ما فيه عاقل بالزمن يرضـاه
السعر تـوه بأولـه م طـار=وريالنا ما عـاد يسقـي مـاه
صرنا مثل حوت(ن)بجم بحار=يلهم بدربـه كـل مـا يلقـاه
لكن أبو متعب عريب وحـار=هذا الغلا والزود مـا يبغـاه
يا سرع ما تلقى الرخا مدرار=مثل السحاب ليا إنتثر سمـاه
أبشر يابن لافي نخيـت كبـار=أنتـه وحنـا كلنـا بحـمـاه
يبا يصيـر السلـم بالقنطـار=والخير ياسر والبدو تشحـاه
التميز
الإهداءات
طارت الأسعار...ومجاراتها؟؟!!؟
