ليش التجني والطغا والغي !!!

طابت أوقاتكم

قلت:بجن منك وقالت:أحسن شي=حين أحسك تجنن ينشرح بالي
قلت:ليش التجني والطغا والغي=وأنت عندي مكانك منزله عالي
قال:من شأن ما تعشق بعدنا حي=ما تشاهد عيونك بعدنا حالي
قلت:عشقي حبيبي مضحك مبكي=قالت: أدري وهذا شاهد أفعالي
قلت:ليتك تجمل يا حبيب شوي=تسمح بشوفتك في وقتي التالي
لو تجمل حبيبي قلت لك:مرسي=ولو تكرم عليً بشربة زلالي
لاتكن بس قاسي والقسا يقسي=وأنت تدري بمنطوقي ومرسالي
العطش من هوى يغلب عطوش المي=وأنت نشفت ريقي يا بعد حالي
صرت كني حجر مبني عليه الطي=أروحْ الماء وأشوفه ما تهيا لي
صالبٍ(ن)في مكاني ما هنيت بري=أتوجد وقلبي فيه زلزالي
آه وا كي قلبي يا غرامي كي=كن بالقلب نارٍ(ن)جمرها صالي
كل ما مر طيفك صار وضعي سي=بين زفرة و ونة بي ولوالي
ودي أجيك وإلا هواي اتجي=تمسح الذاكرة من كل غربالي
مير حلمي سنين طوال ما يزكي=أتمنى وحنا بدبرة الوالي
لي سنينٍ(ن)طويلة من هواك الني=تنزف عروق قلبي والجسم بالي
هم بعدك لواني يامناتي لي=والسهر والتمني قطع أوصالي
وأنت مدري وش اللي متعبك ياخي=دامك الغالي اللي بالحشا غالي
لو طلبت العيون ورمشها وصبيَي=قلت:تأمر تجي لك قبل ما تسالي
كلها لأجل عينك يا غلا تفدي=كل ما هو ملكته حالي ومالي
بالنهاية تراني بالهوى مبلي=والمصيبة أخافه يحبط أعمالي
كان:بجن منك وقلت:فأحسن شي=لو حبك تجنن ينشرح بالي

صح لسانك استاذ الشعر الراقي


تقبل اعجابي

صح بوحك العذب شاعرنا الرائع يعطيك العافية

صح لسانك وسلم بنانك


تقبل التحايا

صح لسانك استاذنا ابدعت ربي يعدك

يعطيك العافية


صح لسااااااااااااااااانك

صح لسانك وكل كيانك لا هنت يالنشمي

صح بوحك واحساسك العذب شاعرنا الراقي

صح لسانك واعتلا شانك ابدعت لله درك

صح لسانك ولا هنت


تقبل مروري