عقرب الساعة !!!

أسعدكم الله

الأبيات كالعادة بدون مقدمات

قضيت ليلي مراقب عقرب الساعه=أعد لفاتها وأحصي دقايقها
كله على شأن منهو قال مرجاعه=في ساعةٍ(ن)بينه حدد مناطقها
أسهرت عيني وقلبي فيه فزاعه=خائف يغير وعوده ما يحققها
واللي توقعت صار وصابني لاعه=أكذب لساعتي وإلا بصدقها
فات الوعد والقمر ما بان مطلاعه=والنفس تشتب بأعماقي حرايقها
ما كنت أظن الوفي بيغير أطباعه=يخلف مواعيد بعهوده موثقها
لكن بشره على قلبي ليا طاعه=وانساق خلف الحلوم ولا يسابقها
اللي يحسبه حبيبه للعنا باعه=خلاه في موج لوعاته يصافقها
على بحر حسرتي فارد لي شراعه=وأحلام ذيك السنين أقفت زوارقها
قلب الشقا غدر وقته بخر أطماعه=طارت عصافير سعده قبل يطلقها
ما باقي إلا طيوف تجدد أوجاعه=لا هي تفارق ولا نبضه يفارقها
ما بين عقلي وقلبي حاصل انزاعه=العقل يرمي بها والقلب يلحقها
مكاسبي من جهود العمر فقاعه=في عصمة القلب ومعيي يطلقها
ياحسرة الروح صار الحظ شماعه=كل الخساير على حظي معلقها
قضيت كل السنين مراقب الساعه=أعد لفاتها وأحصي دقايقها

صح لسانك الى ما لا نهاية ابداع للخ درك

رووووعة صح لسانك واحساسك العذب

صح لسانك وبيض الله وجهك ابداع يتجدد


تقبل التحية

رووووعة من ابداعاتك تسلم شاعرنا ربي يحفظك

قصيدة جميلة كلك ذوق يا شاعر الذوق

الله الله


ابداع شاعر متمكن الله يعطيك العافية

صح لسانك يا استاذ الشعر ابداع لا يستغرب

صح لسانك دائما مميز فيما تدون


تقبل التحية

صح لسانك مليون ولا يكفون


خالص التحية