السلام عليكم ورحمة الله وبركاته
أسعد الله أوقاتكم
اليكم الأبيات الكيبوردية
علها وعساها تروق لكم
تقول:أنت وينك غائب(ن)ياعسى ما شر=الك مدة(ن)ما عاد تنشد ولا تنشاف
فقلت:السموحة والعذر يمكن مقصر=بعد حمد ربي ماش ضيقه ولاش خلاف
أنا ماني مطول غيابي ليا تذكر=علامك تحملني خطأ وينه الإنصاف
أنا حسب معلومي تركتك قبيل العصر=دعتني ظروف الوقت مبطيت بالإنكاف
وجيتك معود ليش يا صاحبي محتر=فقالت:أخاف تروح والا نويت عياف
تعلقت فيك وصرت عن شوفتك مصبر=ومن حقي اسأل عنك وأقلق بعد وأخاف
ليا غبت عني ساعة(ن)كنها بالعمر=يظل الفكر مشغول والقلب فيه رجاف
دخيلك حبيبي كان لي خاطر تقدر=ليا غبت طمني ليا كنت لي ميلاف
فقلت:أبشري لكن منك(ي)شوية صبر=ظروف الحياة تحدنا والظروف أصناف
فردت علي ودمعة العين بالمحجر=أخاف الظروف تشين تمشي بخلف خلاف
لكن الأمر لله مكتوب ومقدر=ليا غبت عني سلوتي بالغياب أطياف
ليا غبت يحفظك الولي ما يجيكم شر=ولن جيتني منزلك داخل ضلوع رهاف
التميز
الإهداءات
تقول:أنت وينك غائب !!!
رد: تقول:أنت وينك غائب !!!
