حبيبتي كل المعاني تشابه=معاد بسهر..لاولا أنطر وأحاتي
الوضع طاغي بالملل والرتابه=وأنتي تزيدين الملل في حياتي
خلاص يكفي قلبي عانى عذابه=ماني مقلل من سموي بذاتي
لايعني حبك أني بعدك أهابه=حتى ولو كنتي من أقصى امنياتي
الحب يعني من غلاتك سحابه=تمطر وتروي أرض حبي وغلاتي
تدرين عيبي..أني نبع الذرابه=أصب طيبي..وحلمي أبرز سماتي
دايم يسموني نصير الغلأبه=ومحارب أهل الكذب وأهل الوشاتي
أحاول أحوي من زمانه عثابه=وأبث روح تحمسه للي آتي
نايف عن علوم الرد ى أو ماشابه=وافي ونادر فـ البشر في صفاتي
لكن..في جوك عاذل أرخى ضبابه=وأعمى عيونك لاتشوفي حسناتي
صرتي تشوفي كل شي فــ غرابه=تعمى عيونك غير عن سيئاتي
شيبتي شعري وعمري باول شبابه=متشتته نفسي..وزدتي شتاتي
ياوجد حالي..لابغيت الكتابه=وجاني خيالك زاير فـ ذكرياتي
كيف أقنع الذكرى..بواقع خرابه=وشلون أبرر من تهمها عباتي
ياماضي الأحلأم هذا..كتابه=أقرى جحوده..وأقرى فعلي وهباتي
وأعرف طريقً راح فيه ومشابه=وأقر أختلافً بيننا بالجهاتي
الحب من منا بدأ باضطرابه؟؟؟=شوفي سواتك..وشوفي وشهي سواتي
صدقتي عاذل قام ينهش بنابه=هذي خطاتك..شوفي وشهي خطاتي
لما عذولي فيك يطعن حرابه=صديت..ماني تابعه في خُطاتي
كلً يسوي حسب أصلاً ربا..به=وأنا أصيل وبذرتي من نباتي
كل شي واضح وافيً في نصابه=لاتحسبيني غارقً في سباتي
باقي سوال؟ ومابي منك أجابه=تدرين بعدك ويش سووا عداتي؟؟؟
لزوم والله بعد هذا تشابه=كل المعاني ياحياتي فــ حياتي
للشاعر فيصل العبيلي
التميز
الإهداءات
حبيبتي كل المعاني تشابه
