ان غبت عنك لا تلومي غيابي=لا تحسبيني غبت من دون اسباب
ما هو بكيفي يا سبب كل مابي=ما هو بكيفي ذلك الحظ عياب
من يوم فارقتك وانا في عذابي=ارقد على همي وهمي لي اثياب
الحزن يا غاليه شتت صوابي =والشوق قطعني وانا منه منصاب
لو تسمحي بالله يكفي عتابي =وش ينفع المحروم في كثر لعتاب
غير الالم يسحق عصارة شبابي=ويحتسيها كلها لحظة اغياب
اهواك يا نشوة تخالط شرابي=تجري بدمي كنها الماي منساب
يا زينها طعنة باعلى الحجابي=منك وفيها يصبح الجرح منطاب
غريبتةن انتي بقدر اغترابي =واوضح من النورالذي قط ما غاب
متناقضة حد العجب والعجابي=فيك الغرابة كلها تصنع اعجاب
حلاوتك تطعن وتشفي مصابي=واشتاق لك شوق السياسي للاحزاب
وشوق عاطش تايهن بالسرابي =ماهو بكيفي غبت بس الزمن عاب
ولا انا ما كنت عامل حسابي=ان الفراق اخر محطات لحباب
التميز
الإهداءات
عصارة شبابي
