ابن هليل تفضل

اثلجت صدري بعلمك ياطويل الذراع= اللي يسر الرفيق ويفرحه سرني
لكن الي شرهة(ن) على خوي السباع = وصل ديرنا وعود مير مامرني

عساك سالم وغانم

وصح لسانك واستلم

أدري بطيبك ولا فيها جدال ونزاع=اللي يبر الرفيق أكيد بيبرني
أبشر بمطلوبكم ماشيء ياذيب ضاع=النا معاود والمشروه ما غرني

الله الله


راع الصدق


ابن هليل



صحت السنتكم والله يعطيكم العافية

الله يوفقك ياالشهم الكريم الشجاع= اللي نفعني بوقفاته ولا ضرني
حبل الوفا بيننا ماابغى يجيه انقطاع= واللاش ياذيب لاجرك ولاجرني

راع الصدق / بن هليل

صح السانكم ابدعتو الحقيقة ومافيكم حيله وفالكم سيف المعنى

انا ماسك الصف الايمين والله مدري صف مين

يالله ياشباب سرى الليل

لكم جميعاً تحياااااااااتي

صقر عتيبة

الله الله..........صحت السنتكم


متابع ......زلكم تحياتي

سلمت واستلم

يا صاحبي يارفيقي ودنا للنخاع=لله درك ليا من قلت يا درني
دام المراكب سليمة لا تلف الشراع=اللاش لو فر يابو زيد ما فرني

راع الصدق

بن هليل


صحيتوا وبيض الله وجيهكم

على هذه المحاوره المميزه

والمعاني الطيبه ....لكم

تحيتي وتقديري الخالص

ان كان ودك بهذا فابذل المستطاع= اقر كتابك بنفسك لاتقل قرني
ان حميت الشمس زبد الاش ياذيب ماع= لكن بالفعل لاحرك ولاحرني

لا تنصح اللي يعرف القارحة والرباع=معي عيوني ولاني قائل(ن)ورني
إطلع بعال القصور الشامخة برتفاع=كبر وصل الفروض وحج بالمقرني