السلام عليكم ورحمة الله وبركاته
اطرح بين ايديكم هذه القصيده والتي بينها وبين قصيدة الشاعر الامير بدر بن عبدالمحسن تقارب كبير
علماً بأنني عند كتابتها لم يطري على مجاراة قصيدة الامير ولي الفخر لو جاريت قصيدة الامير الشاعر بدر بن عبدالمحسن
أمل بان تنال القصيده استحسانكم
يابـنـت مانـي قـايل القلب مـحـروق = ولاني على شانك بـهـل اعـبـراتـي
عـزيـز نـفـس وهـامتي دايم(ن) فـوق = مـايـثـنـي الـهـامـه يكود الـصـلاتي
الـنـخـل مايـثـبـت بلا سـاق وعروق = ومـن دونـهـا مـا يـتـصـف بـالثباتي
يابنت ماني من هل الذوق والـشـوق = أنـا بـدوي وراس مـالـي عـبـاتــي
اسـري لـيـالـي مظلمه اتـبـع الـنـوق = وبـات بالصحراء وجنبي عـصـاتي
افـرح لـيـا لاح بـسـمـا جوي بروق = وصـبـر لـيـن يـقـوم بـعـض النباتي
اشكي على الله حالتي دون مخلوق = لـو حـالـتـي نـشـفـت مـنـهـا شفاتي
ماني من اللي يقضي الوقت بالسوق = يركض ورى الموضه لجل االبناتي
إن كان قلبك يريش العيـن مـسـروق = شـوفـي مـن اللي سـارقـه بسكـاتي
أنا بدوي لا سرق ولا كذب ولا بوق = الـكـذب والـبوقـات مــاهـي صفاتي
يـابـنـت مـابـيـنـي وبينك تـرى حـقوق = حـقـك عـلـيـك وحـق روحي لذاتي
لانـي بـلا عـاشـق ولانـي بـمـعـشـوق = قـنـاعـتـي كـنـزي وشمعة حـيـاتـي
وصـيـتـي مـن قـبـل لا يــاتــي العوق = روفــي بـحـالـك قـبـل يـوم المماتي
التميز
الإهداءات
عزيز نفس وهامتي فوق
رد: عزيز نفس وهامتي فوق
