أنفاس عطرك !!!

أسعدكم الله

والله إني لو برمت الكورة الأرضيًه=ما بلاقي من تشابه مالكة وجداني
ذي حقيقة في حياتي ماهي بفرضيًه=ثابتة واثبت من الخفاق والأعياني
العيون اللي تشوفك ماهي بمغضيًه=والمشاعر كلها تشتاق لك من داني
عند بابك كلها بصحن الغلا منضيًه=اقلطي على وجوبك يا بعد عرباني
أنت اللي قاصده يالشمعة المضيًه=ماش غيرك بالنساء من قربها هناني
مذهبة ورديةٍ(ن) والماسة وفضيًه=فيك كل اللي تمنيته ولا لك ثاني
صافية مثل الزلال وحالية حمضيًه=زاهية مثل الورود تزين الأغصاني
حاجتك من دم قلبي بالأمر مقضيًه=وحاجتي أنفاس عطرك لن وصل كفاني
يا غرام الروح وأغلى هذي الحظيًه=ما تعشقتك تسلي يا بعد خلاني
المحبة من سنين ولا هي بلحظيًه=دايمة ما دامت الأجساد بالأزماني
منيتي دايم تكوني راضية مرضيًه=ما يعكر صفو عمرك بالزمان أحزاني
يا عسى من يحسدك في عينه الشضيًه=ويا عسى من لامني فيكِ(ي)يجيه جناني
القصيدة فيك ما تاتي كذا عرضيًه=فيك شعري كاتبه مقصود صح لساني
والله إني لو برمت الكورة الأرضيه=ما بلاقي من تشابه مالكة وجداني

صح لساااااانك

تقبل اعجابي والتحية

صح لساااانك ابدعت وامتعت لله درك


تقبل التحية

صح لسانك ولا هنت ايها الراقي


احترامي

صح لسانك قصيدة تستحف الاشادة

صح بوحك شاعرنا اتحفتنا بمعزوفنك الرائعة

صح لسانك واعتلا شانك لا هنت


تقبل التحية

صح منطوقك استاذنا رووووعة يسلم بوحك

صح لسانك شاعرنا المبدع ربي يوفقك

صح لسانك مدد ماهو عدد

تقبل التحية