أسعدكم الله
بدون مقدمات اليكم الأبيات
الهنوف اللي لها بالي تهيض بالقصيد=القصائد حولها مثل النحل فوق الزهور
بنت قومٍ(ن)مجدهم بين العرب مجدٍ(ن)تليد=ما تغير عزهم طول اليالي والعصور
اأهل سيفٍ(ن)وأهل كيف ورايهم دايم سديد=بين خلق الله كما الشاهين ما بين الطيور
هزني منطوقها هز الشوامخ بالحديد=ثم حلق هاجسي بالشعر تحليق الصقور
لأجلها روضت طاورقٍ(ن)على غيري عنيد=بعد حلت بالخفوق وعانقت حس وشعور
يا فتاتي كل يومٍ(ن)بكتب لحسنك جديد=واعذريني كان جا بالقاف يا حبي قصور
المحبة في فؤادي ما يغطيها النشيد=المعاني ما توفي عن مشاعر بالصدور
لن شعرت إنك سعيدة بهتني وأحيا سعيد=فرحتك تجلب لقلبي راحة وتضفي سرور
ليت لي معجم لغة مخصوص ويكون الوحيد=اطبع إحساسي على قلبك مثل نقش محفور
وليت لي قاموس مخصوصٍ(ن)لعشقك مايزيد=يشهد لحبي شهادة حق مايشهد بزور
يالغرام اللي وهبني حسنها حسٍ(ن)فريد=نور حبك في قصيدي زاد نور الحُسن نور
الهوى يجري بدمي بالخلايا والوريد=من سكنتي في خفوقي غير لكل الأمور
صرتي أقرب لي من الأنفاس لو كنتي بعيد=أتنفس عطرك الجذاب من بد العطور
طيفك الساحر لروحي يشبه لساعي بريد=في مدينة هاجسي يقطع لأشارات المرور
خبريني يا فتاتي هل بعد هذا مزيد=دام قلبي صار جمرة حبكِ(ي)فوقه بخور
كل ما خبأ إشتعاله مره الطيف العنيد=طيف درة غايبة وأطيافها عندي حضور
الهنوف اللي لها بالي تهيض بالقصيد=القصائد حولها مثل النحل فوق الزهور
التميز
الإهداءات
نور حبك في قصيدي زاد نور الحُسن نور !!!
رد: نور حبك في قصيدي زاد نور الحُسن نور !!!
