ياسعيد خلك ذيب مثل الذيابه !!!

وجدت قصيدة للشاعر المبدع

سعيد مرزوق

بعنوان خاطرة على الرابط التالي


http://www.alqwafel.com/vb/showthread.php?t=20027

كتبت رد متواضع عليها هذا هو أطرحه بين أديكم عله يروق لكم

ياسعيد خابر فيك عزم وصلابه=واليوم أشوفك تعرك الرمش والنون
تالي زمانك جاك طيش وصبابه=وشلون هذا الوضع وشلون وشلون
ماهو غريب غراب يعشق غرابه=اللي غريب الناس لونه يحبون
ياسعيد خلك ذيب مثل الذيابه=لا تروح فيها بين ميسا وميسون
الذيب لا من واق ريعٍ(ن)عوا به=واللي بهم مسٍ(ن)من الجن يعوون
يامرافقٍ(ن)للجن نار الحرابه=ما تحرق الا ناس للنار ياطون
راسك بعد لفيت فوقه عصابه=سج الركايب وانطح العال والدون
لا تشتكي ياسعيد ضيم وكأبه=ترى النشاما باللقا ما ينخون
وأهل الخيابه حظهم بالخيابه=ما كل ماهو يرتجونه ينالون
والله ما يطولون قد الذبابه=يبطون ياذيبان يبطون يبطون
الديك يذن لو عليه الجنابه=قاله بديوي قبل ما أكون وتكون

صح لسانك مدد ماهو عدد



بروح لقصيدة سعيد

استاذي بن هليل : لله در حروفك

اسجل حضوري
كنت هنا ارقب الإبداع

صح لسانك مبدع وربي تعجبني قصائدك ربي يسعدك

صح لسانك واعتلا شانك ابداع معهود

صح لسانك قصيدة راقية وفقك الله

ما اجمل الشعر منك استاذ الشعر
صح لسانك لك التحية

صح الساااااانك يابن هليل والسان سعيد ويعطيكم العافيه ولكما تقديري واحترااااااااامي

مجاراة راقيه ومميزه

لله درك ودر تميز حروفك

الله يعطيك الف عافيه

لك التحيه والتقدير

صح لسانك واعتلا شانك ابداع شاعر لا تعجزه القوافي