الأبيات بدون مقدمات
نامي بأحضان الهنا والسعادة=وأنا بساهر قسوة البعد عني
حطي برودك تحت راسك وسادة=وأنا على شوك المنى والتمني
كني على جمر يزيد إتقادة=ياللي مع الأيام كثرت وني
ما تفعله فيني يجيك إرتدادة=من خالق الأكوان ماهو بمني
ياللي تظنك بارع(ن)بالقيادة=مذهبك لا شيعي ولا هو بسني
هذا مجالك والك فيه الريادة=مالك منافس أرقصي به وغني
وأكيد عندك فوق هذا زيادة=لكن ما ابيها ولا يلزمني
قهوتك تشربها على الكل سادة=إنسية بالشكل وطباع جني
ماهي غريبة منك مادام عادة=حب المعاند والغدر والتجني
بعد عرفتك من هواة القرادة=لا عادت ظروف(ن)بعرفك رمني
هذا التصرف فيه بعض البلادة=تحسبك تكـسب وأنت خسران ظني
ما أخذت منك الا هموم ونكادة=عسى الذي جابك يوديك عني
هذي شهادة كان تبغي شهادة=فنك مخاف في مساره لفني
خذي وسام العند مني قلادة=ياللي رحمته بس هو مارحمني
كل نار ترجع بالنهاية رمادة=حتى ولورمح القطيعة طعني
الصبر في بعض المواقف عبادة=كفيل يشفي كل هم سكني
ملاحظة:سوف يمنح وسام (الرد المميز )لأفضل رد على هذه القصيدة
التميز
الإهداءات
وســـام العنــد !!!
رد: وســـام العنــد !!!
