قلبي البارح دهجه من الوله والشوق داهج !!!

أسعد الله أوقاتكم بكل خير


اليكم الأبيات بدون مقدمات

ياكريم الوجه يارب الخلايق والمعارج=فرج لكرب الفؤاد اللي غدا همه مكدس
قلبي البارح دهجه من الوله والشوق داهج=أتعب الشريان وأتعب للوريد وللتنفس
طول ليلي والفكر في عالم الأحلام ناهج=شيء أظنه مستحيل وشيء ممكن بالتحمس
بعضها سرى ولا أصبح والبعض للقلب خالج=والعيون من السهر سواة جمر ليا تقبس
أتقلب بالفراش ونوم عيني صار هاجج=لين حسيت المحاجر كنها بالعون يبس
الجسد فوق الفراش وخاطري راججه راجج=أحرم العين المنام ورمشها ما عاد ينعس
أتنقل في بحور الشوق وأحلامي بوارج=في ظلام الليل بعد الليل فوق الروح عسعس
يا الغرام اللي على نبض المشاعر صار دارج=كل يوم تزيد حالي سقم ويزيد التوجس
كني حصان لغرامك جامحٍ(ن)والشوق سارج=أتبع أحلام الليالي وأتمنى وأتحسس
الهوى سمٍ(ن)ذحاحٍ(ن)ما لقينا له معالج=يسرق لحال الهواوي مثل مفعول التجسس
ما تعرف الروح من سم الهوى طعم المباهج=المباهج كلها في ذات معشوق تريس
فوق روحي حدد لقلبي مسارات ومناهج=من سنين طوال وأنا للهوى منه أتدرس
يا طبيب الروح مدري سقمها ليتك تعالج=جرح قلبي من غرامك صار له مثل التلبس
عالج لقلبي وروحي يا مقيد يا مخارج=بعد حولت بسجونك لا تطول للتحبس
أشتكي حبك عليك ولاني لغيرك محاوج=حاجتي تسقي لحبك بالوصل قدام أوسوس
طاوله سقم الغرام ولا قرب للهم فارج=ما حصل لي من هواك إلا السهر نومي تعمس
ياكريم الوجه يارب الخلايق والمعارج=فرج لكرب الفؤاد اللي غدا همه مكدس

حضورك له بصمته الخاصة
وشعرك يستحق الوقوف والتأمل
سعيدة بحضوري هنا
متميز بما لديك دايماً

تقبل تحياتي وفيض ودي

اقتباس : المشاركة الأصلية كتبت بواسطة همسات شاعرية [ مشاهدة المشاركة ]

حضورك له بصمته الخاصة وشعرك يستحق الوقوف والتأمل سعيدة بحضوري هنا متميز بما لديك دايماً تقبل تحياتي وفيض ودي

حضور يسعدني لا عدمتك


خالص تقديري

يعطيك الف عافية وصح نبضك والقلم

الله الله



ابداع متجدد معين لا ينضب ما شاء الله


صح لساااااااااااااااانك


تقبل الاحترام

يا سلام على الابداع شاعر ما يشق لك غبار صح لسانك

ابيات رائعه

دوم مميز شاعرنا و مديرنا ابن هليل

تسلم الايادي

الله الله


صح لسانك قصيدة تستحق الاشادة


خالص الاحترام

صح لسانك واعتلا شانك ابداع غير مستغرب



تقبل التحية

الله الله


ابداع متجدد صح لسانك