وانتهى
الي ما ظنيت يوم أنه بينتهي
و أقرب الناس لي عني تخلو
هانت عليهم دموعي
و ما حركتهم الامي
اش اسوي وين اروح
و الريح عكس اتجاهي تسير
بقلبي تحطمت ذكرياتي
و كأن السعادة مكتوب لها ما تزور ابد داري
ليه رحلت ؟؟
ليه؟؟؟
ليه بأصعب ظروفي رحلت
تدري الموت ماعاد يخوفني
بل اتمناه بكل لحظة
حالتي الي أنا فيها
احس الطعنه بصدري
تألمني وتحرق فؤادي
ويلي وش سوى فيني هواك
وش سوى فيني جنوني
قال انه يحبني
وهو أول من تخلى عني
حتى ما يبي يضحي
مع ان الحب تضحيه وعطاء
بكل الطرق رجيته
و تهت أوصف له حالي
لكن قسوته هدتني
اترجى اسمع صوته وانا بأخر ايامي
تصعب عليه نفسه
وحتى هذا علي يستكثر
رحل بكل قسوة الرحيل
وترك بالقلب الف اه وويل
ويلي على نفسي الي عشقته لحد الجنون
و آهه من قلبي الي تخلى عني ورحل
عطيته روحي وقلبي هديه
ما كنت اتصور بيوم عنهم بيتخلى
بس الي قال لا تأمن للحب ما كذب
لو إني في يوم ظلمته
بكتب بدل الحبر دم
صفعت وجهي مليون مرة
اش الي صار
ليش رحل ؟؟
قرر عني وعنه
وقال انتهينا
وكأنها كلمة سهلة ماكأنها سيف بصدري
انتهينا
وعمري ما ظنيت أنه بيقولها
ظنيت وحده الموت بيفرقنا
بس طلع اسرع من الموت
وقرر انتهينا
من غير حتى اي انذار
بس انتهى اخذ القرار
ومن دفتر ذكرياته مسح اسمي
ومن بين ارقامه ضيع رقمي
هدني ...... وما عاد بالنفس قوة
صرت اشبه بروح هايمه
ما درت وين تروح ولا من وين الطريق
صفعت وجهي الف مرة
وكأني من الالم سكرت
بدون الكاس سكرت
شلت كفني بيدي
وناديت والله الموت ارحم
من قسوة هجرك
ويلي عليك يانفسي نصحوك
و قالوا الحب فخ ما ينجى منه شاطر
ضحكت بقلبي وقلت
الحب اخلاص..تضحية...وتفاني
ان حبيبي يحبني ومستحيل يقسى علي
تستاهل ياقلبي الي جرى لك
بس رغم انفي احبه
احسه اقرب لي من حبل الوريد
بس رحل وقطع الوريد
وجف الدم بعروقي
والله مدري اش الي صار
احس انا مو انا
يمكن انا شخص ثاني
تمنيت انه كابوس
يمر بليلي وينتهي
لا ...لا
هو واقعي وحاضري
تخلى عني وهو يعلم اني بحاجته
بس قلتها يوم الحب تضحية واخلاص
و أنا قبلت قسوتك
صدقني مسامحتك
بس انتهينا
كنت اجهل معناها
بس اليوم فهمتها وادركت مرارتها
والمتني حدتها
انتهينا
وانتهى كل معنى حب عشته
وانتهت كل همست حب داعبة قلبي
انتهينا
وانتهى املي وعلى صخرة الواقع المرير تحطم
سأرحل
فما عادت كلماتي تلهمك
ولم تعد تسعدك ضحكاتي
يسعدني انك من حبي ستستريح
لا تحزن فكل مافي قلبي لك
فكيف بالله عليك سانساك
لن اناقش قرارك بعد الان
سألتزم الصمت الذي طالما اعتدته
ارحل فلك ما تريد
اقسم اني لن اهاوى غيرك
اقسم الف مرة اني لن انساك ماحييت
وحتى بعد مماتي ساحبك
كتبتها قبل وفاتها بيوم
ادعو لها بالرحمة
و نتهينا
