يا مترفة صرنا للأوهام خدام !!!

أسعدكم الله

يامترفة وشلون تحقيق الأحلام=لن صار حظ الشخص ينقض عهوده
يا مترفة صرنا للأوهام خدام=والحلم يكذب ما يحقق وعوده
تلعبنا يا مترفة سود الأيام=والعمر يركض ما توقف جهوده
ينزف على بيض الورق حبر الأقلام=والحظ مقفي ما يوقف صدوده
إن قلت له وقف ترى الموت قدام=زود معاناتي وزود جحوده
يا مترفة ترى اليمن ماثل الشام=وأنا ضحية للغرام وبروده
تلعب بي الأوهام وأصدق أوهام=والروح فوقك يا غرام محدوده
هذا السنة والعام واللي قبل عام=كل الذي سويت عندي شهوده
أكتب قصيدي فيك ما أنلام ما أنلام=ما دام قلبي تملكين لسدوده
وهبتك الخافق ولاني بمنضام=هواك بالخافق تجاوز حدوده
حكمتني وحاكمتني مثل صدام=ما فاد قلبي يا غلاتي صموده
حكم عليه الشوق يازين بإعدام=والعفو عندك يا مجود قيوده
وإن كان ما تعفي ترى الحكم جزام=والله يعوض خافقي في عضوده
يامترفة وشلون تحقيق الأحلام=لن صار حظ الشخص ينقض عهوده

صح لسانك وصباحك ابدااااااااااع

صح نبضك واحساسك المرهف شاعرنا الراقي ما ننحرم من ابداعك

صح لسانك واعتلا شانك ابدعت لا هنت


تقبل التحية

صح لسااااااانك ابداااااااع


احترامي

صح لسانك قصيدة تستحق الاشادة موفق

صح لسانك رووووعة تسلم يا ذوق

صح لسانك


تقبل التحية والاحترام

صح لساااااانك ولا هان بيانك وبنانك

صح لساااانك واعتلا شانك احسنت


موفق