سلام ردية على الشعار يبراها السعد

راع الصدق اقرب لا هنت

سلام ردية على الشعار يبراها السعد=تنصى سعد ابن حميد كل ما غنيتها
والعلم ياولد العتيبي بيننا بعد بعد=أوحيتها ولا عسى يا صاحبي ما اوحيتها

الله الله

صح لسانك وفي انتظار راعي الصدق

متاااااااابع

اولا مرحبا بك يابو نواف في محلك وبين ربعك وثانيا يشرفنا حضورك وثالثا ابشر بالسعد واستلم

عني وعن شعارنا يامرحبا بك فالبلد= جوك الرجال اللي بصوتك ياولد ناديتها
عطني علومك كلها والسبت يقفاه الاحد= والشاذليه من عصر في حروتك سويتها

الله الله بدعه رائعه

صح لسانك وفي انتظار راعي الصدق

متاااااااابع

ابقاك الله

ياللي تخيل النو لا ترتاع من حس الرعد=أنا ليا قامت بيوت العز ما هديتها
وعلومنا وعلومكم ماجات في درب النقد=الرجل ما تمشي دروب البوق لن لويتها

صح لسانك واستلم

ماني من اللي لاسمع رعاد فالماقف شرد= و ان كان مبهلها فانا ياصاحبي صريتها
هذي حقيقه واضحه والعلم واضح بالسند= والناس ماتاتيك غير بسنة(ن) سنيتها

صح لسانك

أنشدك عن حرمه ماجابت بنت ولا ولد=وعيالها كثر تراب الارض لو عديتها
احد يصبحها واحد يمسي بها عند الوعد=تنشر لك البيضا يبو فواز لن حليتها

الدله الصفرا بها البن اليماني لاركد= وعيالها فوق النشاما بالرضا مديتها
اثرك متهيض واقول اهب ياهذا الولد= تضحك لابو فواز وسيوف الغدر حديتها

صح لسان ابو نواف وراع الصدق وبيض الله وجيههم


ملاحظه ياراع الصدق انا بدعت وازهم لي الشاعر عابد الله لايهينك

حياك الله يامخلف الهقوات وابشر لابلغ الشاعر عابد