مدري سحرك الشعر والا سحرتيه....صارت على جوك تحوم القوافي
يزين منطوق الشـعر لو قريتيـــــه....وليا نظم في مثلك صار صافــي
منك معـاني الشـعر ومنك قوافيـــه...الشعر في غيرك غطته السوافي
كل الأدب والحسن واللـه ملكتيـــه..وملكتي احساسي وانا جيت وافي
رميت لك قلبي على كـف مغليـــه..هــدية ياأم الثمـــان الرهــــــافي
ضميه بكفوفك على الصدرضميه....لو اشــتعل من حبك لا تخــــافي
وليا سكـن زيديـه فالحـب يحييــــه..لا يخطــر ببــــالك تقوليــــن كافـــي
الحب أنا اعرفه وأعرف مواريــه...له حرقة بين الضلـوع النحافـــي
له رعشة بالجسم ويـــذوب ما فيـه....يذوب منها الثلج ويصير دافـــي
ترى الوفي يا بنت اسمى معانيـــه..إن الحبيب يحس ما كان خافــي
والا النظر والهمس والسمع والتيه..منها جميــل وبينهــا ما يعافـــي
باخذ جميل الحب وأترك بلاويـــه...ماني بتـابع حـب فيه إنحرافـــي
إن كان مخلص لي فأنا بعد شاريه...وإن كان يغدر بي رميته خلافي
التميز
الإهداءات
رد: ۞صارت على جوك تحوم القوافي...۞
