اجدد البيعة لحبك بقافي !!!

حينما يعاتبك من تود على ما يود وتود

حينها يلزمك الرد والبعد عن الصد

هذا هو جد الجد

يا سيدة قلبي بمسيك بالخير=واجدد البيعة لحبك بقافي
يا كايدة كل البني الغنادير=هواك ثوبي وإشتياقي لحافي
انا هويتك والمحبة مقادير=واعلنت لك حبي وفيه اعترافي
لك حاق بعتابك ولن صار تقصير=ابعتذر والعذر ما هو بكافي
لو كان عندي يا هوى البال تبرير=أنت المصدق بالوصال إختلافي
حيثك سكنت القلب من دون تفكير=نهبت عقلي جهر ما هو بخافي
خدرتني بالذوق والحسن تخدير=وأخذتني من دون ما أرجع خلافي
جئتك بقلب وعقل ما فيه تكدير=ما فيه غيرك يا جميل الرهافي
لأجلك ومن شأنك جميع المحاذير=رميتها خلفي وأنا جئت حافي
كن الفؤاد من الهوى فيه تسعير=يشتب وأحرق من لظاه النحافي
ليلي نهار وصبح عمري مشاوير=ما بين وناتي وهول إرتجافي
أحلام عمري والأماني طوابير=على أمل لقياك في جو صافي
نروي مشاعرنا بهمس وتعابير=والشوق يلقى في بحرنا مرافي
من ليل لين الفجر من صبح لعصير=الوقت يمضي ما نحس بخلافي
تبرأ جروحٍ(ن)سابقة من معاصير=مرت علينا بالبعاد الخرافي
ما غير هذا يشفي القلب ما غير=في عشر مرت من هوانا عجافي
الشوق يحرق بالجروح المغاوير=عدة سنين الشوق ما هو بطافي
لكن على ربي جميل التدابير=واللي ترجى خالقه ما يخافي
يالله يا رحمن يا رافع الطير=فوق السحاب بريش لطفك يشافي
عجل لنا رحمتك من دون تأخير=شاف القلوب المغرمة يا مشافي
يارب ما غيرك يعين المقاهير=عونك ولا عون العباد الضعافي
يا سيدة قلبي بمسيك بالخير=واجدد البيعة لحبك بقافي

صح لسانك واعتلا شانك

تقبل التحية

صح لسااااااااانك ابداااااااااااع

يا سلام عليك كعاتك متالق


صح لسااااانك

صح لساااانك ولا هنت ايها الراقي

صح همسك العذب شاعرنا المبدع

الله الله

صح لساااااااانك اكثر من ابداااااااااع

صح لسااااانك شاعر مبدع

تقبل اعجابي

صح لساااااانك لا هنت ابدااااااع

صح لسانك ملياااااااااار

موفق