أسعدكم الله بكل خير
اليكم الأبيات بدون مقدمات
علها تروق لكم
وا قلبي اللي صايرٍ(ن)مقسوم=مقسوم ما بين الرجا والياس
عيا يجيني بالفراش النوم=والعين فيها حرقةٍ(ن)وعماس
غديت من طول السهر مسقوم=ما عاد أحس بلذةٍ(ن)لنعاس
أون ون مجندلٍ(ن)بسهوم=كن الصدر ضاقت به الأنفاس
الحال مبري برية المسموم=تجرعه علقم بشربة كأس
بعد غياب صويحبٍ(ن)محشوم=ما عاد لي رغبة بكل الناس
أبات وأنا خاطري مكلوم=كن الحشا في داخله قباس
مشاعري عن كل زين تصوم=الهم يقرع داخلي لأجراس
تسود في عيني جميل حلوم=ينتابني ما يشبه الوسواس
ما عاد أميز بين ليل ويوم=أبدل الهاجوس بالهوجاس
أبيع للموجود بالمعدوم=وأخسر لمكسب وأشري الإفلاس
مرحوم يا وقتٍ(ن)مضى مرحوم=ما عاد باقي شي يقعد راس
ما باقي إلا لوعةٍ(ن)وهموم=القلب منها والعقل محتاس
وا قلبي اللي صايرٍ(ن)مقسوم=مقسوم ما بين الرجا والياس
التميز
الإهداءات
عيا يجيني بالفراش النوم !!!
رد: عيا يجيني بالفراش النوم !!!
