السلام عليكم ورحمة الله وبركاته
مساكم و صباحكم بالخير
الأبيات كما جات
برسل من الجوال للزين موال=معزوفة الأشواق من دمي الحار
الدم يغلي جاي له في جوال=والقلب عود الوجد وعروقي أوتار
شفتي غرامك كيف غير بي الحال=الشوق كنه شب بضلوعي النار
كم جاك مني يريش العين مرسال=أنشد عن الأحوال وأدور أخبار
لكن ما رديت يا طيب الفال=لا جا جواب ولا وصل منك معذار
ما تدري إن الصد للحب يغتال=خص(ن)ليا كررتها مرار و مرار
تتعب لي الأعصاب ويشوش البال=أتيه في دنياي ما بين الأفكار
اسأل سؤالي ملتقي جواب لسؤال=أحتار أنا في صار لو كان ما صار
ترمي بي الأمواج من جال لا جال=في بحرك المائج ولا زلت صبار
أصارع الأمواج وأشيل الأحمال=وأرجي يزين الوقت مع طول الأعمار
بصبر وأكابر وأتسلى بالأمثال=بنظم قصائد فيك وأزين أشعار
بكتب على الجدران وأرسل بجوال=ما دمت حي أهواك يانور الأنظار
مهما تحملت العنا الوان وأشكال=لأجل الغلا ماني بحاسبه مخسار
حتى لو إن الوقت ما بيننا حال=يرجع يزين وطبعه الوقت دوار
مهما تباعدنا مسافات وأميال=أشوفها في ناظري كنها أمتار
التميز
الإهداءات
برسل من الجوال للزين موال !!!
رد: برسل من الجوال للزين موال !!!
