السلام عليكم ورحمة الله وبركاته اسمحوا لي ان اطرح عليكم هذه الابيات علها تروق لكم
معذور يالي خذت قلبي وقفيت = معذور قالتها بنبرة حزينة
يا ليتني قبل افارق توفيت = اوليتك انته كنت عندي رهينه
ما عدت اطيق العيش والوضع مليت = بالله قلي حالتك مستكينه
يحرم علي" الهنا ما تهنيت = ضاقت بي الدنياسئمت المدينه
يا عاذله كفي عن اللوم عانيت = بس الزمن يامنيته قبض يدينه
وعابني حظي وانا له تحديت = وانتي بدورك قولي الله يعينه
عن حالتي لا تسألي ويش سويت = صعبة على فرقاك لو تفهمينه
يا داي وادواي الذي به تداويت = يا جنة احلامي وشمعة سنينه
يا عذب انفاسي وشعر(ن) تغنيت = يا روض بستاني ويا ياسمينه
يا قصة(ن)تروى لرميو وجولييت = يا سر ابداعي ومصدر حنينه
اهواك حد الغرام الذي به تغليت = وكثر شوق المحب لضنينه
لاتحسبيها اقوال شعرن وغاليت؟ = احساس عاشق آه لو تدركينه
ما ودي اوصف شعوري وعييت = دامه خيارك كيف لك تسألينه
اما كانت احلامك كبيرة تماديت = فيها لحد انساك من تعشقينه
عن حالتي لا تسألي ويش سويت = في غيبتك ذقت الاسى والغبينه
معذور يالي في عذابي تعنيت = معذور قالتها بنبرة حزينة
التميز
الإهداءات
معذور
رد: معذور
