كل مساء لكم مني قصيدة
اليكم ماجاد به هذا المساء
الأبيات
ياطبيب القلوب القلب شنهو دواه=من مرض لو تعافى منه يمكن يموت
علة الحب لأوجاع المولع شفاه=الهوى يا طبيب القلب ما منه فوت
قلبي أنا خبير بصحته من بلاه=الدوا يا طبيب القلب لزم السكوت
الدوا عند خلٍ(ن)ما تمنى سواه=مير حال البخت ياشين بعض البخوت
بعد ما صاب قلبي دار يمي قفاه=ما تهنيت من بعده بشربٍ(ن)وقوت
كل مازارني طيفه بباهي حلاه=قام فكري يزهب للقوافي بيوت
لا ذكرت العيون الدعج وأحمر شفاه=ما صبغها بروجٍ(ن)كنها لون توت
ولع الشوق في صدري وشعري سناه=والمشاعر بنبض القلب قامت تشوت
كل ونة بعدها بالعدد الف آه=الهوى يا طبيب القلب بحرٍ(ن)وحوت
إلتهمني وشوف القلب واللي جناه=ما نفع فيه طب ولا دعا بالقنوت
ياطبيب القلوب القلب شنهو دواه=من مرض لو تعافى منه يمكن يموت
التميز
الإهداءات
طبيب القلوب !!!
