صدة كريم ولا تمنن بخيلي !!!

أسعدكم الله


الأبيات بدون مقدمات

الله جعلنا شعوب وأقوام وأجناس=وأنعم على خلقه بفضلٍ(ن)جزيلي
حرك بنا الأرواح من دم وأنفاس=شواهدٍ(ن)ماهي بحاجة دليلي
أوجد بنا تفكير وشعور وإحساس=نعرف بها ما شان وإلا جميلي
من بعدها قالوا:ترى العرق دساس=مثل الزمن مابين يومٍ(ن)وليلي
يا متعبين لقب جمحات الأفراس=السيف ما يدمي ليا أصبح كليلي
ومن لا يشب النار في روس الأطعاس=خله لشيل الميَّ وقت الجفيلي
موت الكرامة خير من حنية الرأس=الرأس ما يرخيه غير الذليلي
لامن جبرك الوقت تستجدي الناس=صدة كريم ولا تمنن بخيلي
واللي يذل النفس لا بد ينداس=ناسٍ(ن)تبيع أرواحها بالقليلي
ماكل طيرٍ(ن)مثل ما قيل قرناس=ولا كل خيلٍ(ن)بالميادين أصيلي
قال المثل:ما أخبلك ياطابخ الفاس=تبا المرق والفأس مابه حصيلي
حتى الشجر عقب الطري يغدي أيباس=لو علها كل يوم وبل المخيلي
واللي بنا بنيان ما جود الساس=مهما عِلي ينهد ساسه هزيلي
تذكر كليب وكيف جندله جساس=جزاه يوم إنه ذبح للفصيلي
اللي وطى بيضات لاباسة الماس=الطفلة اللي ما نقضت للجديلي
قدحة شرارة ولعت واهج أقباس=غدى ضحيتها من القوم جيلي
أربع عقود الحرب تسقيهم الكأس=يا ما غدى بأسبابها من قتيلي
دنيا تقلب بين قومة ومجلاس=ولا بد من عقب النزول الرحيلي

صح السانك يابن هليل

ولكن لي ملاحظة ارجوا ان تتقبلها بصدر رحب وهي مجرد وجهة تنظر ولاتقلل من قيمة القصيدة

وارجوا ان يتسع صدرك لها

وهي الشطر الذي تقول فيه#

حرك بنا الارواح من دم وانفاس

وارى ان يكون#

وهب لنا الارواح واحصى للانفاس

ولك تقديري واحتراااااااااااااااااااااااامي

مشكور يا عبدالرحمن


ذي صورة شعرية وذي صورة

وفي كلا الحالتين

تدبير الله وحكمته وعلمه

لو توقفت انفاسك او تجمد دمك

هل تتحرك....يقينا لا

والروح هي التي تحرك الجسد

قل الروح من أمر ربي وما واوتيت من العلم الا قليلا


تقديري لك

أستاذي بن هليل : هُنا فلسفة ..

صح منطوقك أيها الشاعر القدير

احترامي

صح لسانك واعتلا شانك



جزلة من جزل بيض الله وجهك

يعطيك الف عافية قصيدة رائعة بروعة فكرك شاعرنا المبدع

صح لسانك مدد ماهو عدد



جزلة من جزل بيض الله وجهك

صح لسانك يا مبدع القوافي






تقبل الاعجاب

صح لسانك مليون ولا يكفون



ابداع غير مستغرب

الله الله

شكراً أستاذي الغالي

انت دائماً رائع وماعليك زود

لك ودي وتحياتي العطرة