خلوهــــا : بــدع و رد ..!!!!

عليك الميل


الفكرة سهلة ما تحتاج طول شرح

يطرح العضو مابين 4 - 6 أبيات

من نظمه وليست منقولة يوجهها لعضو يختاره ويطلب من الرد

إذا العضو لا يستطيع الرد فيحق له أن يستعين بصديق يوجه له دعوة طلب مساعدة

(((إنقاذ)))

توجه الدعوة عبر الإهداءات او الرسائل الخاصة



الان البداية من عندي

يابن عميش العلم ياشيخ ينصاك=عطني علومك كلها بالتفاصيل
أفرح ليا مني تعلمت شرواك=والعلم ما يعقله غار الرياجيل
وش صار في زرع زرعناه وإياك=عسى الزراعة جالها من محاصيل
وإن كان راحت يبيض الوجه تفداك=الخير مقبل بالليال المقابيل

بعد الرد يبدع العضو أبيات جديدة يوجهها للمدعو الجديد

يعني مطلوب من المدعو رد على السابق ثم بدع موجه للعضو اللي بعده ويمكن للعضوين تبادل الدعوة والاستمرار بالمحاورية الى أن يكتفيا ثم توجه الدعوة لعضو جديد وهكذا



الدعوة موجة لابن عميش
وبنتظار الرد

صح لسانك على هذه الرائعة

و صح طرحك على الفكرة الاكثر من روعة


سأنسحب بصمت منتظرة سماء الابداع يشع نوره

على متصفحك







بن هليل



صَحّ قَلْبك وَكُلّك وَيسْلَم بَوحك ورُوحك ، لاَهنْت




متااااااااابعين بصمت

بن هليل

بيض الله وجهك على هذه الفكره المميزه والرااائعه

هذا الرد ارجوا ان يليق بذائقتكم ...


يابــن هليـــل مرحبا ستيـن حياك *** ترحيبة(ن) تضفي على الرجال الحلاحيل

فزيت فرحه يوم قالوا الشيخ يبغاك*** شيـــخ في قلوبنا له معـــــزه وتبجيـــــل

مرحوم عودعلى اسم العودسماك*** الاسم والمسمى كلهــم زبن المداخيــل

ابشرك بالعز وابو ماجدعلى يمناك*** لاتحسب حساب ضعوف النفس المهابيل



سوف اعود لطلب اخي ابو عبدالرحمن

هذا طلبي لاخي ابو عبدالرحمن ابارك له بتعيينه

مدير العلاقات بشركة بن لادن ...الف مبروك

ارجوا ان تكون هذه الابيات على قدر كم



اسعــد خبـر سمعته يوم الاثنين *** جــاني خبـــر مفرح لقلبــي وذاتي

ابو عبدالرحمن من رجـال عزيزين *** وهو على يمناي ما احسب عداتي

مبروك لك ياصاحبي على التعيين *** تستــاهل الطيـــب والعـز يا عزاتـي

ابذل كل الجهود وبالله استعيــن *** ولا تحسب حساب الحسود المحاتي

تدخل


نظرا لعدم رد


ابو عبد الرحمن


لأكثر من اسبوع


فقد قررنا إنسحابه من الرد



ونرشح بدلا عنه
الأخ الحجــــــــــازي

هلا بالحجازي عد ما هل همال=على البن الأشقر والعلوم الجزالي
وأنا بنشده من وين هو جاينا طال=من الشرق والا جاينا من شمالي
يقولون بالامثال للضيف فنجال=وأبي رد علمك يا كريم السبالي
ويبقى ثنين تكيف الراس لا مال=خفيفة ثقيلة مثل حمل الجمالي
ولا يالحجازي قل لنا رد الأمثال=تعرفونها والا عليكم ثقالي
وأنا ظن بالي إن بالثوب رجال=يعرف العلوم الأولة والتوالي

بنتظار ردك لا همنت


لك تحيتي

يدوم البـقاء ياطيب العز والفــال **** عداد النجوم وعد مبدىء الهلالـي
من الدار جيتك ديرة الجد والخال **** من الشجره اللي رمزها لك يلالي
هل الجود بالموجود والحال بالمال **** وتلقى الإجابه تحت رد السؤالي
تفضل ومده يافتى الجود بالحـــال **** وبــاق الثنين مكمله فالحلالـــي
مادام إن جدي بن جويبر وأنا خيال **** وجدك ولد جابر حميد الخصالي
لرد المثل وأبني من الجال للجــال **** وظنك محله ياعريف الرجالــي

تحياتي

وصلني جوابك والمواقيف بأفعال=وبيت تجيه الشمس ماله ظلالي
ليا كنت راعي كيف محماس ودلال=تراهم ثلاثة من عيال الدلالي
أنا قلت لك واحد وباقي بعده عيال=من البن الأشقر ياشجيع العيالي
ترى الكيل يحتاج له رجال كيال=وكيف بلا معبار ماهو بحالي
جمال البدو ياذيب تحتاج جمال=يقود الجمال ويشتري كل غالي
تعلم ورد العلم من غير مرسال=ترى العلم واضح ما يعاوز جدالي

بيض الله وجهك



بنتظار ردك

هـــــلا مـرحــبا تــرحــيــب لازال لازال **** يكرر ويبنى فوق رووس الجبالي
على عد يروي سامـع الشعــر لاقــال **** ولاتارده ياكــود طــول الحبالـــي
حكيم(ن) تحكم البيت والحبر ماسال **** يردد ويصبح في سمو المعالــي
تردد وتذكر عقــــب ماهيلــها جــــــال **** ثــلاثه والأول فات مابه مجـالــي
وفنجال سيف(ن) عند ماتذكر أبطــال **** والأخر ولد كيف(ن) وعده زلالـي
تذكر وركــب ميــم مــع عيــن مع دال **** وسمه ومده في قريب الليالــي

السلام عليكم ورحمة الله وبركاته


سـلام يصرف من بنوك التجاره*****يصرف لمن عنده رصيد(ن) ومخزون
والأ الفقير يروح عمره خساره*****لأ كاسب(ن) جزلاء ولا موفي ديون
عزي لمن تصفق يمينه يساره*****ماركب الجمره علــى رأس غليون
واللي يباء الضيفان ماشب ناره*****يجيه ضيفانه وفي ســـاع يقفون
والبيـت مـايبنى ويــرفع جــداره*****ألأ بعــد مايصبح السـاس مــوزون

بإنتضار الردود.......

متعب الأعنة


حياك الله وحيا ما جبت

أبيات جزله وجاك الرد

يامرحبا يا شاعر شن غاره=مدري رصيده كم بالبنك مليون
توه مطلع نمرة وإستماره=بالهون خل المشي بالدرب بالهون
صل الصلاه وحج وأخذ زياره=وارفع يدينك قول يالله بالعون
ترا العلوم أشكال حلو ومراره=وأنته تعرف العلم والناس يدرون
واللي يصيبه بالمواقف حراره=يضيع رايه بين صاحي ومجنون
وبيت المعزه والنقا والطهاره=يبقا رفيع الشان والناس يدنون
والعج لا شفته مثور غباره=لاتنطحه بالراس لو عندك قرون
درب السلامة ما يعاوز شطاره=ترا طريق العافيه دوم مزيون

تقبل تحيتي