أسعدكم الله
المعذرة أشغلتنا الدنيا كفانا الله شرها وشر ما بعدها
للتواصل منعاً للفاصل
اليكم جانبا من تخاريفي فأنا لا أسميه شعرا بل تخاريف
ولى زمانٍ(ن)فيه تبدي إعجابك=اليوم أشك إنك من الوصل مليـت
أقعد ثلاث ايام واقف ببـابك=ماكني اللي قبل لا شفت هليت
ماني بعارف ياغلا ويش صـابك=وشلون تنساني بعد ما تعليت
في قلبي اللي مولعٍ(ن)في شبابك=وأدعي لكِ(ي)بالخير لا قمت صليت
لا يطول عني ياغناتي غيابك=مقدر على بعدك ومهما تقاويت
بعد فتحتي للمشاعر كتابك=لا تذبحيني بالجفا ما تخليت
خليني أقرب يالغلا من شرابك=وأقرب من الأنفاس لا من تماديت
دخيل روحك والأهل مع صحابك=لا تذبحين الحب بوصال تسكيت
ودخيل منهو ياهوى الروح جابك=لا تقتليني بعد للحب ذليت
ودخيل حسنٍ(ن)مستتر من ثيابك=لو ماوهبه الله ماكان سويت
لا يكون صدك ياحياتي عقابك=ترى الصدود يفتت القلب تفتيت
كافي زمان فات طارد سرابك=ميت عطش مايوم منك ترويت
لطفك بشاعر بالقصيد إنتخابك=ما ينحسب حيٍ(ن)ولاينحسب ميت
كل القصايد ضافها في حسابك=في بنك عشق أنتْ لحسابه توليت
صاينك ما باعك برخص وشرا بك=مغلق عليك أبواب قلبٍ(ن)لكِ بيت
وإلى خطر لي خاطرٍ(ن)من جنابك=إنك بترجع قلت بالحال ياليت
يرجع زمانٍ(ن)فيه تبدي إعجابك=من شأن تثبت جد مابعد مليـت
التميز
الإهداءات
ولى زمانٍ فيه تبدي إعجابك !!!
رد: ولى زمانٍ فيه تبدي إعجابك !!!
