ما وافقت دنياي للظن والحدس=تبخرت دنياي وإشتالها الريح
خاب الرجاء فاللي أعزه من الإنس=ما جاء على كيفي طبيب المجاريح
روح وخلاني حبيسٍ(ن)بلا حبس=بين الرجا واليأس بقوم وأطيح
كنت أحسب إني أحسن العوم والغطس =وغرقت في بحرك دموع التماسيح
أحلام عمري عند شطك تكدس=وأنا بجوف البحر مثل المذابيـح
الوضع مزري ما تفهمت للدرس=ليت المشرع سن للوضع تصحيح
كان إستراح الفكر وإرتاحت النفس=القلب بالأعماق محتاج تسبيح
ذيب الغرام اللي فرس خافقي فرس=أشعله سيد القلب قبل المراويح
قفى بعد ما شاقني داعج النعس=الهجر يلفح وجه الأحلام تلفيح
هذا سبب بلواي ما عاد به دس=الوضع واضح ما يحاوج لتوضيح
عدة سنين أصفق بخمسٍ(ن)على خمس=والدم بعروق الجسم كنه يفيح
ياللي غرامك منغرس داخلي غرس=ياريحة الياسمين والورد والشيح
شوق الهوى كبس على خافقي كبس=علمٍ(ن)وكادٍ(ن)ما يوضحه تلميح
وأنا أدري إن الولف باللي جرى حس=والولف يدري هاجسي فيه بيسيح
دايم ببالي مشغل البال والهجس=وإن مر غيره بالفكر عنه بيزيح
وأخر كلامي بالشعر للغلا بس=يالله يا معبود للغالي تبيح
لو وافقت دنياي للظن والحدس=ما كانت الأحلام طارت مع الريح
التميز
الإهداءات
دموع التماسيح !!!
رد: دموع التماسيح !!!
