دامك بخير اليوم حنا على خير

السلام عليكم ورحمة الله وبركاته

اقدم لكم هذه القصيده والتي شاركت بها في مسابقة ( شاعر الملك ) حفظه الله ورعاه

أتمنى بأن تنأل اعجابكم وذائقتكم الشعرية

ياهاجسي قم سطر القاف تسطير = واختار لي من قافيتك الجزاله
أبيك تاردبي على جمة البير = اليا ضميت أبيك تشرب زلاله
سواة ابن جدلان مع سالم جخير = وبعد عن اللي ماتورد حباله
الشعر يعجز والمعاني طوابير = تخجل بيوت الشعر في كل حاله
دامك بخير اليوم حنا على خير = شعبك لجل صحتك مشروح باله
في غيبتك كل(ن) مهوجس بتفكير = بأرض الوطن شرق وجنوب وشماله
لوهي على الوقفات جينا مناعير = وبالمال كل(ن) مد الك راس ماله
روحت عن دارك وعندك معاذير = وتشيل هم الشعب حكم وعداله
وفي رجعتك قمنا نزف التباشير = شوف الفرح فالشعب مأخذ مجاله
رجعتك في دارك يغنيبها الطير = حتى سجين الوقت جوه صفاله
ناقف على شانك معزه وتقدير = أنته ملكت قلوبنا لا محاله
يبقى الوطن نهضه ولا فيه تقصير = مدام أبو متعب منكس عقاله
يبقى الوطن قمه ونهضه وتطوير = ياكم موضوع لشعبه عناله
ايجود من جوده لسكان كشمير = له بصمت(ن) للجود أخذها لحاله
الحاسد المسكين في عينك صغير = قله يا بو متعب وش اللي طراله
حقيقة الموضوع من دون تزوير = الوالد المحبوب وحنا عياله
حكيم متواضع محنك وبه خير = من بعد ظل الله نجي في ظلاله
شفته على الشاشه بصوت(ن) وتصوير = كم من يتيم أرخى متونه وشاله
يالله اللي مسير الوقت ويسير = رحمتك يالمعبود رب الجلاله

الشاعر / سعد سنان الثبيتي

صح لسانك مدد

حفظ الله ابو متب واطال بعمره

الله الله


صح لسانك وسلم بنانك


قصيدة جزلة في من يستحق الجزالة

صح الله لساااااااااااانك

قصيده جزله من شاعر جزل في شخصية جزله

اطال الله في عمر أبو متعب وحفظه ورعاه

تقبل أرق التحايا و أعذبها

صح لسانك والله يطول بعمر ابو متعب

الشاعر ابن سنان / صح لسانك أبدعت

والله يحفظ خادم الحرمين ويطول لنا بعمره

صح لسانك واعتلا شانك ابدعت والله يطول عمر ملكنا

صح لسانك مليون ولا يكفون اجزلت لا هنت وفقك الله

صح منطوق


قصيدة ممتازة في رجل يستحق الاشادة والمديح الله يحفظه

صح لسانك مدد


رائعة لا هنت


بالتوفيق