أبيات لعلها تروق لكم
ماعاد نسمع لصوتك يا يمام الدوح=
وش غير الطير ما غرد على دوحه=
صوتك من أول يداوي خافق ٍمجروح=
واليوم حتى غصون الدوح مجروحه=
هجرت غصنك علامك ياعديل الروح=
وانا ادري إنك على غصنك مثل روحه=
انا تولعت في صوتك هديل ونوح=
واليوم دونك قصيدي وإستمع نوحه=
غديت من بعد بعدك طيرك المذبوح=
ياطيري اللي بعده الروح مذبوحه=
متى تعود وأغني بالقصيد فروح=
وتبدل الضيق بسط وتجني فروحه=
ياطير لحن الهوى في خاطري مشروح=
تعال شوفه بعينك وإفهم شروحه=
قلبي وعقلي لصوتك بابها مفتوح=
وأحلام عمري لعمرك دوم مفتوحه=
ترى غيابك ياطيري ماهو ابمسموح=
لو كان كل الخطايا منك مسموحه=
وإن كان ما جيتني ياطير يامملوح=
ما عادت أيام باق العمر مملوحه=
لو كان غرد بدالك طير فوق الدوح=
ما كل طير ٍ يغرد يطرب لدوحه=
التميز
الإهداءات
يمام الدوح !!!
رد: يمام الدوح !!!
