طابت لياليكم وأيامكم
يا سحابٍ(ن)تناشا في قدوم الصيف=هل وبلك على دار الغضي هله
الهوا يدفعك ويجدفك تجديف=صوب روضٍ(ن)ربا به ساكن الفله
مر ساحل تهامة واسق للقطيف=سق روضه وبستانٍ(ن)ثمر نخله
كنه الشهد من منحله مطعم كيف=في جميع الدير ما ينلقى مثله
وإرو نجد العذية دار حي منيف=يا سحابٍ(ن)يزف الخير في وبله
سوق يمة شرورة وأخذ صوب طريف= بل يبس الدير من رايحك بله
بارقك في عروضك جاي له رفيف=كن نوضه ثنيا مبهري كله
لطف الجو للي عاشقه تلطيف=وإن تباها بحسنه بالحيا هله
حي مضنون عيني راعدٍ(ن)خفيف=وإنثر المي كنه سابحٍ(ن)فله
فوق ذيك الديار اللي بحسب الكيف=ديرةٍ(ن)ضمت المضنون وتشله
من غلا من سكنها بالحشا رجيف=ودي أزور داره دون ما أرسل له
بقضي الصيف في جوه بلا تحريف=وأكحل العين من حسنه ولا أمله
سيد الحسن كله ما يبي تعريف=فيه ما لا خطر في بال لا بالله
مثل حسن الحسان الحور بالتوصيف=ساتره بالحياء والدين والمله
كن غرته بدرٍ(ن)مابها تزييف=تقهر لحاسده وتريح لخله
والمحاجر هدبها واقفٍ(ن)صفيف=صفة الجند في ميدان بالحله
كن حاجبه بالتقويس حنوة سيف=لو سحب عنه غمد الشال ثم سله
راحت نفوس ناسٍ(ن)والقوي ضعيف=ساطي السيف مطنوخ العرب ذله
والثغر خاتم سليمان يا لطيف=صافي الريق ذوبٍ(ن)ثامره نحله
يا سحابٍ(ن)تناشا في قدوم الصيف=هل وبله على دار الغضي هله
التميز
الإهداءات
قدوم الصيف !!!
رد: قدوم الصيف !!!
