أيسر الصدرِ !!!

كل عام وأنتم بخير

أتمنى للجميع عيدا سعيد دامت لنا ولكم الأفراح

وتقبل الله طاعاتكم

اليكم الأبيات للتواصل بعد الفاصل

تقول الغالية مسكانك أنته بأيسر الصدري=تحت حدب الضلوع أنت الوحيد اللي سكنت بها
وأقول أنتي سكنتي بكل عمري يابعد عمري=ملكتي للجسد والدم والأفكار متعبها
غديتي في عروقي مثل دمٍ(ن)بالجسد يجري=ياغاية حلم عمري والمشاعر دوم تطلبها
هواك أشد من نارٍ(ن)وقلبي داخل الجمري=ياجنة عشقي المجنون لو زادت لهايبها
أحبك حب موقوفٍ(ن)عليكِ وحدكِ(ي)حصري=غرامٍ(ن)لو يقسم فوق كل الناس يسلبها
عقولٍ(ن)راسخة قبل الغرام بحالها تدري=لكن تصير من عقب الهوى ماحال يعجبها
بعد هذا فديتك قارني بين أمركِ(ي)وأمري=بعدها تعرفي حالي وبعدك كيف عذيها
تدافع لك لحون الشعر وأنتي ملهمة شعري=على شانك لحون الشعر تصدح في محاربها
كتبنا لين ملينا الدفاتر وإنتهى الحبري=ولا زالت مشاعرنا تزف أحلام نرغبها
شربنا وإرتوينا من هوانا الطاهر العذري=وباقيها على ربك خسائرها ومكسبها
سنين طوال عالق بالصبر لين إشتكى صبري=تسراني حلوم الليل وأطيافٍ(ن)تلاعبها
أصدق للحلوم السارية لا مطلع الفجري=وليا بان الصباح أحلام ليلي عدت أكذبها
على الله مشتكى حالي وحالك مجري القدري=عليمٍ(ن)بالسراير والجروح اللي نحس بها
لعل الله يفرجها يجمع شملنا بدري=وربك خالق الأنفس وربك من يحاسبها
بعد قلتي سكنت بجنبي الأيسر من الصدري=فديت الجنب الأيسر والضلوع اللي سكنت بها

ياسلام عليك



شاعر ما تصعب عليك القوافي


صح لسانك الو مالا نهاية

صح لسانك رووووووووعة ربي يسعدك

صح لسانك مدد ماهو عدد



ابدعت وامتعت لا هنت

تقبل التحية

عذوبة لا متناهية رافقت هذه القصيدة العذبة الرائعة

لحروفك وكلماتك معزوفات نتغنى بها

فكلما ازددت في غرام ملهمتك نزداد نحن اعجابا بتلك المعزوفات

ونترقب جديدها وأعذبها

صح لسانك مدد

وكل عام وأنتم بألف خير وصحة وسلامة ؛؛

صح لسااااانك

قصيده في قمه الجمال والرووعه

يعطيك العافيه

صح لسانك رائعة لله درك تقبل الاعجاب

هي احدى روائعك استاذي بن هليل قصيده بطعم الفرح .

صح نبضك والقلم ..

تقديري

صح لسانك مليوووون
كالعادة ابداع رائع
وطرح يستحق المتابعة
شكراً لك بانتظار الجديد القادم
دمت بكل خيروكل عام وانت بالف خير يارب
تحياتي واحترامي،،،

يستاهل اعلى تقييم

صحيت وصح منطوقك اكثر من رائعة