تمكيجي بالحيا والطهر والعفة !!!

طابت ليلتكم

تمكيجي بالحيا والطهر والعفه=والله يحييك في قلبي وفي عيني
وأنتِ بكفة وكل البيض في كفه=القلب مقسوم نبضه بينك وبيني
وليا قلطتي بقلبي هاتي الشفه=صبي لي الكيف من شهدك وقهويني
بأخذ من الكيف رشفة من بعد رشفه=وإن كان ذابت عروقي فيك صبيني
ولا يزعجك منظري لو صابني خفه=مس الهوى يرتعش ساعة تداويني
العشق مسه ترى ما صابني صدفه=رميت نفسي على جنه وعانيني
ما عاد بي صبرصبري واصل الحفه=أبيك عندي قريب لا تخليني
تراك للقلب من جرح الصبر وصفه=والبعد والصد والهجران يكويني
هواك للقلب يا بنت الغلا حرفه=مع صافي الدم تجري في شراييني
يا لابس للحسن يا طاهرة صرفه=يا مبتدأ كل زين وتالي الزيني
ما جئت بأخذ معك يا غالية وقفه=العمركله معك والله ما يكفيني
ياليت لي عمر ثاني وأنحرف حرفه=وابدأ معك يا غرامي بأول سنيني
يروى فؤادي وعودٍ(ن)صابته نشفه=من زود وجدي وحرماني وما فيني
الشوق والهم جابت للشعر لقفه=كل القصائد تناديك وتناديني
تمكيجي بالحيا والطهر والعفه=والله يحييك في قلبي وفي عيني

صح لسانك ولا هنت


تقبل التحية

صح بوحك شاعرنا روعة يسلمو يارب

روعاتك استاذ الشعر خالص الود تسلم

صح لسانك ولا هنت ابدااااااااااع

يا سلام عليك

صح لساااااااانك

صح لساااااانك


قصيدة اكثر من رائعة

صح لسانك شاعر القوافي ابدااااااااع

صح لسانك ملياااااااااااااااااار

ابداااااع صح لسانك وسلم بنانك