ياراحـت البـال ويـن الشـوق بـك راســي .... في ساعة ٍ دقت الساعـة علـى النوبـه
فــي لحـظـةٍ داهـمــت نـفـسـي وكـراســي .... صواعق ٍ زيدت ارض العطـا خصوبـه
ثـم جـسـدت ماحـمـل فـكـري وهوجـاسـي .... باروع صورصاغهـا الابـداع مكتـوبـه
منهـا لمسـت الحـنـان بطـابـع احسـاسـي .... من جـيـت اصور هوس حـبٍ تغنـوبـه
فـجـأة وانــا فــي منـامـي طــوّل نـعـاسـي .... حلمان بااللي يبيهـا الـقـلـب محـبـوبـه
جتنـي مـن الشـوق حبتنـي علـى راسـي .... وقالت عسى ان السفرياالغالي اكذوبه
حــرام لاتهـدنـي وحـدي وانا اجـاســي .... من وحشة الليل عين الشـوق معصوبه
قلت اسمعي لك غلا من راسي لساسـي .... لو بعّـد ابنـا الـفراق وطـــوّل دروبــه
اعــاهــدك بالـيمين وماني بـنــاســي .... من كان ريقه عـسل وينقط عـذوبـه
مـابـيـن فـرقــاك وظـنـونـك ووسـواســي .... قمت اسبق الخوف والخطوات محسوبه
واشعـر بخطوة غلاك تسابـق انفـاسـي .... واحس كن الولـه دايس علـى ثـوبـه
كـم مـره يطيـح ولامـن قام من بـاسـي .... ما رد عن رغبة الخـافق ومطـلـوبـه
حتى أن من كثر ما احبك بمجـلاسـي .... أصبحـت اسمي غلاتك سحـر لعجـوبـة
وسجلـت رقـم ٍ قياسـي بـوقـتٍ قيـاسـي .... في شـوق محبوب يبغـي قـرب محبوبه
بـس ليـش تبكيـن قولـي يا بعد راســي .... مادام الاقـدار لـلانــســان مـكـتـوبــه
ويوم اسئلك عن غلاي وحبي الراسـي .... قلتي غلاك انبـنـى طـوبه عـلـى طـوبه
وقلتي عذاب الـفـراق مــزود ٍ يـاسـي .... والنفـس كنهـا عـلـى التفكير مغصوبـه
ما اقدر اغالـط بنفسـي وانكـر احساسـي .... ولا اقدر اداري دموع ٍ جـات مسكوبه
ياتـاج راســي وجـوهـر تـاجـي المـاسـي .... اي والله اني بــعــد فــرقــاك متـعـوبه
ولـو حالتـي دُرسـت فـي منـهـج دراســي .... كان الغـلا بالـمـلا بيزيــد مـنـسـوبـه
التميز
الإهداءات
يابعد راسي
