الاوله والاخيره

الله من نار(ن) شعمها بجاشي = شوقي لها من بد كل العشيره
اللي من اجل عيونها جيت ماشي= وخيول شوقي مسرجات ومغيره
فرصة لقاي ابها تزيد انتعاشي = تسابق خطايه بسرعه خطيره
حبيبتي ذات القوام النشاشي = ما مثلها على ارض شبه الجزيره
اي والله اعشقها ولابه تحاشي= عشق(ن) رضيت بكل شره وخيره
احبها حب(ن) ماهو تو ناشي = من يوم انا صغير واهيه صغيره
كبر معي من ذو الطفوله وعاشي= بنا له بقلبي صروح(ن) كبيره
حب(ن) من الارواح ماله تلاشي = يزيد مع زود العمر والمسيره
استعرض صورها وانا في فراشي = من بث شاشات الخيال المثيره
ياهي من كل النساء يابلاشي = مالي بهن لو المزايا كثيره
حورية(ن)معها يطيب الماشي =منها النساء ماتن غبن وغيره
في شخصها ما اسمع لمغرض وواشي= ماغير قلبي في هواها استشيره
ياعاذلي بلاش كثر النقاشي = لا تطول القصه تراها قصيره
تبا الحقيقه مثل ماقيل كاشي= بالحب هي الاوله والاخيره

الله عليك



ابداع يعانق السحاب



صح لسانك للرضا

الف شكر استاذي نجم العرب
شهاده افتخر بها من اديب فاضل لك كل الاحترام والتقدير

عثمان الثبيتي

تواجدك لا يأتي سوى بإيجاد الجزالة والإبداع

ولغة الشعر المباشرة المحببة للقلوب

راقي وأكثر بهذا النص الوافي والمبدع

لله درك وصح لسانك وصح كلك وجعل السعد مايملك

ودام هالوجود بكل خير ومعزه وتقدير وبيض الله وجه راعيه

الف شكر يامنصور ماعليك زود يالغالي اعطيتني اكثر من حقي الله يعطيك العافيه
وانشاء الله اراك بالقريب العاجل من اشهر شعراء المملكه دعواتي لك بالتوفيق في جميع مجالات الحياه ايها الشاب الطموح

منصور الله يعطيه العافيه ماكب لي شي لكن اقول صح لسانك لين ترضى مبدع مبدع ياخال لله درك تقبل اعجابي وتقديري في نفس الوقت

الله الله



صح لسانك ابداع راقي


قصيدة درة من الدرر

صح لسانك يا بو مشعل


اللي يقول بهاللون من الشعر ويشوف هالقصيدة يبطل ما عاد ينظم بيت


لله درك

الشاع الراقي عثمان الثبيتي


صح منطوقك رووووعة

ابو مشعل

صح لسانك على هذه القصيده الوافيه

من شخصك الوفي والمبدع والمتألق

لقد اثريت نواظرنا بالذوق الشعري المرهف

تقبل تحيتي وتقديري الخالص