يا كاملة بالمحاسن خالية من عيوب=يا قاهرة للعواذل كايدة للعلـوج
يا سالبة للعقول وناهبة للقلوب=وشلي من الشوق عندك شايلة بالدروج
الليلة الشوق ثاير والمشاعر شبوب=تعالي إرمي على ناري بياض الثلوج
ودي ولو ساعةٍ(ن)من عمر بيديك أذوب=أنسى معاناة شوقي في حضور الغنوج
خليني اسج في عطرك وزين الطيوب=اللي تنسي محبك في لقاك الهروج
يا فاتنة شاعرك بالحسن من كل صوب=هواك خلف الحنايا في عروقه يلوج
إن كان عشقك خطية يا حلاة الذنوب=اللي تحملتها كرمان عين وحجوج
والله ما أترك هواك وعنه ماني بتوب=قفلت قلبي عليك ومانعٍ(ن)للخروج
هواك يجمح بروحي من شمال لجنوب=سواة جمح الأصائل ما عليها سروج
يهناك عقلي وقلبي يالهنوف اللعوب=سوي بكلي على كيفك رياض وفجوج
صبي على الشوق شوق وحركي للرغوب=اللي تسوي بعقلي من صداها لجوج
يا كاملة بالمحاسن خالية من عيوب=يا قاهرة للعواذل كايدة للعلوج
التميز
الإهداءات
بياض الثلوج !!!
رد: بياض الثلوج !!!
