يا شمعة الروح توك يا نظر عيني=تعالي العمر قامت تركض سنينه
الوقت يا منيتي يركض ويطويني=وأنتِ(ي)بعد بالهوى والشوق تطوينه
حران بردان ماشيء يدفيني=ما للهوى من دفاة إلا تدفينـه
دفيني بجوك الدافي وضميني=خليني أدفا على جمرٍ(ن)تضوينه
ضميني بحضنك الدافي وغطيني=بالأشقر اللي من سنينٍ(ن)تربينه
لفي يدينك على روعي وهديني=خلي فؤادي يحس إنك تحبينه
وأخذي مطاليب عمرك طوع وإعطيني=أمان قربك لحبي ما تهجرينه
خليني أخذ دخيلك ما يكفيني=من كل ما فيك من حالي تحلينه
يا علي أهنا بعد ما كان مشقيني=بعد المسافة وحال أنتِ(ي)تعرفينه
لحظات عندك من أوجاعي بتشفيني=جرحٍ(ن)نزف داخل الشريان تبرينه
دفا مشاعرك كل الهم ينسيني=ابدأ معك مرحلة من شوق تسقينه
حبك وعطفك وتحنانك يداويني=من لهفي اللي قبل وأنتِ(ي)تخبرينه
يا ما سهرت الليال الشوق يكويني=وأنتِ(ي)فؤادي بجمر البعد تكوينه
بعد المسافة كبيرة بينك وبيني=وقرب المحبة بداخلنا براهينه
أضم حبك بقلبي عمر وسنيني=وأدري بمثله غرام أنتِ(ي)تضمينه
هواك يجري بدمي في شراييني=وأنتِ(ي)ببعدك ولو غصبٍ(ن)تزيديه
يالله تصبر فؤادي لا يوديني=بالتهلكة والهوى يقطع شرايينه
طال الصبر لا متى حظي يبكيني=تنزف جروح الفؤاد ولا تداوينه
مالي حبيبٍ(ن)بذا الدنيا يواسيني=إلا أنتِ(ي)اللي هدير الوجد توحينه
توحين زفرات وجدي في دواويني=في شعري اللي كتبته فيك تقرينه
وش عاد باقي أسوي لأجل تقريني=واللي قريتيه بالواقع تسوينه
يا شمعة الروح توك يا نظر عيني=تعالي العمر قامت تركض سنينه
التميز
الإهداءات
ضميني بحضنك الدافي وغطيني !!!
رد: ضميني بحضنك الدافي وغطيني !!!
