مجاراة لقصيدة الدكتور
سعيد السريحي
والله لوما الشعر
ياقاف زهب لي على تكوتي كيف=
خله على كبد الجروح يتعرقا=
ياسعيد راع المعرفة والمعاريف=
ياما تغنينا بقاف ٍ وطرقا=
قاف القصيد أشبه بصحوة تخاريف=
ينوح بصدور الألم نوح ورقا=
مدري صحيح الشعر وإلا ملاقيف=
نصنع من الأوهام رعد ٍ وبرقا=
مابين صمت وبوح نجني تحاسيف=
مرارها يزرق حشا الروح زرقا=
كن الحروف أشباح جوف التصانيف=
تلعب بها جنٍ على الشعر ترقى=
قمنا نتراقص رقصة الموت بالسيف=
مابين كان وليت ما فيه درقا=
نبني ونهدم بالشعر والمحاريف=
ماعاد فيها يا أبيض الوجه فرقا=
قاف القصيد إن حل في ساحتك ضيف=
خلك معه سواة روق ٍ وبرقا=
ما يحسبون حساب صلف المواقيف=
اللي تخرق الروس بالصعب خرقا=
التميز
الإهداءات
صحوة تخاريف !!!
