السلام عليكم ورحمة الله وبركاته
اسعد الله مسائكم بالخير والسرور
اطرح بين ايديكم هذه القصيده والتي أتمنى بأن تنآل استحسانكم وذائقتكم الشعريه
رحنا طعام جحوش
أمس العصرمريت ياخالد على بيت الحبيب = لقيت منزال الغضي خالي وشمعه طافيه
سألت عنًه بس ما حصلت لسوالي مجيب = ما من مجيب الاً صدى صوتي وبيته خاليه
نزلت مزون العين فوق الخد من جرح(ن) عطيب = جرح الفراق اللي على الارواح شمسه حاميه
جرح الفواد اللي حصله ما يداويه الطبيب = ما يبري العله سوى روح الفواد الغاليه
ذيب الفواد من الفراق المر زايد بالقنيب = يقنب طوال الليل من جور الهموم الكاويه
ماغمضت عينه دقيقه جوف خفاقه لهيب = نيران شبت جوف روحه روح قلبه ظاميه
يقطع ظما روحه مزون شفاه تشبه للمغيب = يرتاح قلب اللي شرب صاف المزون الكافيه
الجرح ياخالد مع الايام عيا لا يطيب = ما راح يبرى الجرح دام أوراقنا متراميه
الصبر مفتاح الفرج لكن ما ظنه طبيب = صبرت ما فاد الصبر النخل غير الباميه
المشكله يابو ميان إن الزمن أمره عجيب = شايف عواصيف الزمن تقلع شجاري ناميه
رحنا طعام جحوش ما يحتاج لا شكه وريب = صرنا تحت ضرس الصليب اللي دروبه هاويه
إنجومنا تساقطت واللي سطع نجم الصليب = تساقطت انجوم كانت في سمانا عاليه
المشكله لا صار مخطينا ما فوقه رقيب = اعقابنا ما ياصله راعي نوايا خافيه
درات دواليب الزمن صار الوفا مثل الغريب = الغدر عشعش بالقلوب اللي منول صافيه
شوف الحبيب اللي منول حاسبه أقرب قريب = وش لون غاب ولا ترك لو هي رساله شافيه
الله على ذاك الزمان اللي غرب مثل الحبيب = راحت وغابت عن حياتي الليال الدافيه
أمس العصرمريت ياخالد على بيت الحبيب = لقيت منزال الغضي خالي وشمعه طافيه
التميز
الإهداءات
رحنا طعام جحوش
رد: رحنا طعام جحوش
