ياعين يكفيني سهر لا تمادين !!!!

السلام عليكم ورحمة الله وبركاته


طالت الغيبة فعدنا لكم بهذه الأبيات

ياعين يكفيني سهر لا تمادين=ترى السهر لا طال بيهد حيلي
لدي بحالي كان ودك تلدين=يكفيك عبرة طول ليلك وليلي
ياعين فعلك سيف ساطي بحدين=وإن كان ما تدرين ويلك و ويلي
أنتي تبين النوم والا تودين=طفح على قول المثل كل كيلي
ردت بعبرة حارقة فوق خدين=هذا جوابي فوق وجنتك سيلي
فسره باللي تفسره بس بعدين=ليازاد جرحك الحذر تشتكي لي
ياعين قولي بالسهر وش تريدين=يتعبك وأنا مايرجع خليلي
لا تحسبينك بالسهر تستفيدين=وأنا بعد معرف بعدلي وميلي
من يوم صار البعد ياعين بعدين=بعد المسافة والزمن والرحيلي
ساعة زمن أشوفها مثل عقدين=وشلون عاد أعوام لو تحسبيلي
اللي مضى ياعين يصعب تردين=ويصعب علي القا بداله بديلي
ياعين يكفيني سهر لا تمادين=ترى السهر لا طال بيهد حيلي

اللي مضى ياعين يصعب تردين
ويصعب علي القا بداله بديلـي
ياعين يكفيني سهر لا تماديـن
ترى السهر لا طال بيهد حيلـي


ما أجمل هذه المـناجاة والمـناغاة
مابينكما سيدي ..أنت وجزء منك

لله درك أستاذي الفاضل بن هليل
ولله در الدرر التي تكتبها

كان لي شرف المرور الأول
لك مني التحية والتقدير

لدي بحالـي كـان ودك تلديـن
يكفيك عبرة طول ليلـك وليلـي
ياعين فعلك سيف ساطي بحدين
وإن كان ما تدرين ويلك و ويلي



الله عليك يا مبدع القوافي


الاستاذ المبدع سعدت بتصفح ما دونت من درر


صح لساك سجل اعجابي بما تكتب


لك خالص ودي

صح لسانك مدد ماهو عدد قصيدة جميلة الله يعطيك العافية

صحّ لسانك أخوي
بن هليل
قصيدة رائعة من شاعر
أروع
تقبل تواضع مروري

صح منطوقك قصيدة جزلة من شاعر جزل لك التحية

الله الله


صح لسانك واعتلا شانك


ابيااات جزله

ولاتحرمنااا من جديدك

بن هليل

الله يعطيك الف عافيه

على هذا الابداع والتميز

كما عهدناك حفظك الله

متألق ومبدع ...لك التحيه

والتقديـــــــــــــــــــــــر

صح الله لساااااااااااانك وبيض الله وجهك

قصيده رائعه من روائعك العطره

الله يعطيك العافية

تقبل تحياتي العطره

صح لسانك مليون ولا يكفون قصيدة وافية اعجبت بها كثيرا