طفل الغرام !!!

أسعدكم الله

كل مساء أنتم على موعد مع نزف قلم هدفه إسعادكم


اليكم الأبيات

أنا وين وأنتي يابعد مهجتي وين=حدتك الظروف وهد صبري انتظاره
تعبت أنتظر ومن التعب نامت العين=وصدري تفوح دلال شوقي بناره
تمنيت أشوفك وأسمعك كامل الزين=قبل لا يصيب القلب جرح انكساره
أنا ما توقعتك بعد ليل تلفين=وغفيت عيوني من سهدها خساره
ألا ليتكِ(ي)قدام ساعة تعرفين=بحالي وكيف الوجد يقدح شراره
طلبتك وأنا محتاج لك ما تردين=وحسيت لي بالروح نكهة مراره
تذكرت كيف الوضع قدام عامين=بوقتٍ(ن)تجيني فيه قبل الإشاره
وذا الحين صار العذر بعدين بعدين=وصلنا على ما قيل عقب السجاره
وأنا أشوف وأنتي بعد مثلي تشوفين=لطفل الغرام اللي غدا شيخ حاره
كبر بيننا بأحضان لهف المجانين=وأخاف الزمان يروعنا بانتحاره
غرامٍ(ن)تربى بين ورد البساتين=شعار الوفا والصدق دائم شعاره
خضع لأمرك وطوعك ومهما تسوين=على العهد باقي ما يغير مساره
يمد لك كف الطيب وأنتي تردين=على الطيب طيب بذوق ناس الحضاره
بعد جيتك لا عاد عنين تروحين=بنيت لك بالخفاق مركز وأماره
مجهز على شأنك بكل ما تمنين=من الخادمة لين الحرس والوزاره
تعالي وعيشي فيه عيشة سلاطين=وحولك جنود الفكر تحرس مداره
ترى ما أتحمل بعد هذي تغيبين=كفا ما مضى والحب هذا قراره
يا ست النساء تسوين عندي ملايين=يا كلك على كلك جمال وشطاره
أنا ما وهبتك خافقي غير تسوين=وصرتي بقلبي مقعدك بالصداره
بعيده قريبه منزلك داخل العين=فداك الفؤاد اللي جعلك اختياره
يناديك نبض الشوق وينك وأنا وين=حدتني ظروف وهد صبري انتظاره

مساء الشعر الراقي

مساء الرومنسية

مساء بن هليل راقي برقي ابياته

اسعدك الله اخي الكريم

ورود الريم


مساك الله وصبحك بكل خير وسرور

شكرا لحضورك المميز


لا عدمتك

خالص تقديري

( طفل الغرام ) ما اجملها ..
استاذي
حروفك معزوفة سخاء وأكثر
صح نبضك
لك التقدير

صح الساااااااانك يابن هليل ويعطيك العاااافيه

تحيااااااااااااااااتي

يا سلام عليك


صح لسانك الى ما لا نهاية


ابداع شاعر

تقبل التحية

الله الله الله


يا سلام عليك يا استاذ الشعر


كل يوم تتحفنا بابداعاتك


صح لسانك

صح لسانك وفيت وكفيت



خالص التحية

صح لسانك يا ابا حازم
تحياتي

الله الله


صح لسااااااااااااااااانك

راقت لي جدا يعطيك الف عافية